ورداباسى اۋدانى ءبورجار اۋىلىندا جىلىنا 14 مىڭ توننا ۇن ونىمدەرىن وندىرەتىن كاسىپورىننىڭ قۇرىلىسى ءجۇرىپ جاتىر. TOO «Keruen Products» وندىرىستىك بىرلەستىگى ماكاروننىڭ 10 ءتۇرىن جانە تەز دايىندالاتىن كەسپە تۇرلەرىن شىعارىپ، 120 ادامدى تۇراقتى جۇمىسپەن قامتىماق. جالپى 5,5 گەكتار اۋماقتا ورنالاسقان بۇل وندىرىستىك جوبا ىسكە قوسىلعان سوڭ جەرگىلىكتى بيۋدجەتتىڭ كىرىس كولەمىن ارتتىرادى دەپ كۇتىلۋدە. 

سۋرەت: gov.kz سايتىنان الىندى.

ءوڭىر ەكونوميكاسىنا ايتارلىقتار اسەرىن تيگىزەتىن نىسان قۇرىلىسىمەن تانىسۋ ءۇشىن اۋدان اكىمى ازات ورالباەۆ ارنايى بارىپ، جۇمىستارعا وڭ باعاسىن بەردى. سونداي-اق، ازات ابدىعاليۇلى بادام اۋىلىندا بوي كوتەرىپ جاتقان 250 ورىندىق مادەنيەت ءۇيىنىڭ قۇرىلىس جۇمىستارىن قاداعالادى. سونىمەن قاتار، جاۋاپتى ماماندارمەن بىرگە ۇيالىجار اۋىلىنداعى اباي كوشەسىندەگى اياقجول سالۋ، ءساتباي بولىس كوشەسىندەگى اسفالت توسەۋ، قاينار ەلدى مەكەنىندەگى ترانسفورماتور ورناتۋ ماسەلەلەرىن زەردەلەدى. ودان بولەك، ىنتىماق اۋىلىنداعى 200 ورىندىق مەكتەپ قۇرىلىسىنىڭ بارىسىن باقىلاپ، جۇمىس بارىسىنداعى بىرقاتار كەمشىلىكتەرگە ەسكەرتۋلەر جاساپ، جاۋاپتى قىزمەتكەرلەرگە ناقتى تاپسىرمالار جۇكتەدى. 

سۋرەت: gov.kz سايتىنان الىندى.

تۇركىستان وبلىسىنىڭ وڭىرلىك كوممۋنيكاتسيالار قىزمەتى 

Abai.kz