SIPRI الەمدە جاڭا يادرولىق قارۋلانۋ جارىسىنىڭ باستالۋىن بولجادى.

يادرولىق ارسەنالداردى قىسقارتۋ كەزەڭى اياقتالىپ، ەندى يادرولىق قارۋلانۋ باسەكەسى قايتا جاندانا باستادى، بۇل ۇدەرىستەن تۋىندايتىن قاۋىپ-قاتەرلەر قىرعي-قاباق سوعىس كەزەڭىندەگىدەن الدەقايدا كۇردەلى ءارى كوپقىرلى سيپاتقا يە بولماق. بۇل تۋرالى ستوكگولم حالىقارالىق بەيبىتشىلىكتى زەرتتەۋ ينستيتۋتىنىڭ (SIPRI) ساراپشىلارى مالىمدەدى. اتالعان قورىتىندىنىڭ نەگىزدەمەسى «SIPRI Yearbook 2025» جىلناماسىنىڭ يادرولىق ارسەنالدارعا ارنالعان بولىمىندە قامتىلعان.

XX عاسىرمەن سالىستىرعاندا، قازىرگى قارۋلانۋ جارىسىندا كيبەركەڭىستىك، عارىش جانە مۇحيتتاعى مۇمكىندىكتەر ماڭىزدى ءرول اتقارۋدا. بۇل جارىستا كىمنىڭ كوش باستاپ تۇرعانىن انىقتاۋ قيىنداي ءتۇستى، ال بۇرىن قولدانىلعان قارۋ-جاراقتى باقىلاۋ فورمۋلالارى قازىرگى جاعدايعا ساي كەلمەي وتىر. سونىمەن قاتار، ەۋروپا، تاياۋ شىعىس جانە شىعىس ازيا ەلدەرىندە يادرولىق قارۋعا يە بولۋ ماسەلەسىنە قاتىستى پىكىرتالاستار قايتا جانداندى، بۇل يادرولىق دەرجاۆالار كلۋبىنىڭ كەڭەيۋ ىقتيمالدىعىن كورسەتەدى.

ساراپشىلار وسى سالادا ءۇش نەگىزگى ءۇردىستى اتاپ وتەدى. ەڭ الدىمەن، يادرولىق ارسەنالداردى جاڭعىرتۋ ءۇردىسى بايقالۋدا، بۇل قارۋلاردى باقىلاۋ فورمۋلالارىنىڭ السىرەۋىمەن قاتار جۇرۋدە. SIPRI دەرەكتەرىنە سۇيەنسەك، 2024 جىلى يادرولىق قارۋى بار بارلىق توعىز مەملەكەت ءوز ارسەنالدارىن جەتىلدىرۋدى جالعاستىرعان.

Abai.kz