يزرايل مەن يران اراسىنداعى قاقتىعىس ايماعىندا قانشا قازاقستاندىق بار؟ قر ءسىم وكىلى ايبەك سمادياروۆ جاۋاپ بەردى.

قازاقستان رەسپۋبليكاسى سىرتقى ىستەر مينيسترلىگىنىڭ رەسمي وكىلى ايبەك سمادياروۆ تاياۋ شىعىستاعى احۋالدىڭ ۋشىعۋىنا بايلانىستى مينيسترلىك جاعدايدى باقىلاۋدا ۇستاپ وتىرعانىن مالىمدەدى.

قر سىرتقى ىستەر مينيسترلىگىنىڭ مالىمەتىنشە، قازىرگى ۋاقىتتا يراندا 132, ال يزرايلدە - 219 قازاقستان ازاماتى بار.

«قازاقستاننىڭ بۇل ەلدەردەگى ەلشىلىكتەرى كۇشەيتىلگەن رەجيمدە جۇمىس ىستەپ جاتىر. ديپلوماتتار وتانداستارىمىزبەن تۇراقتى بايلانىستا»، - دەدى مينيسترلىك وكىلى.

ايبەك سمادياروۆتىڭ ايتۋىنشا، تاياۋ شىعىستاعى شيەلەنىس كۇشەيگەن كۇندەرى زارداپ شەككەن قازاقستاندىقتار تىركەلگەن جوق.

«قازاقستان مەملەكەتتىك ورگاندارىنىڭ ەسكەرتۋىنە قاراماستان، قازاقستاندىق اۋە تاسىمالداۋشىلار ەكى كۇن بويى بىرىككەن اراب امىرلىكتەرى باعىتىنا جولاۋشىلاردى تولىق جۇكتەمەمەن تاسىمالداۋدى جالعاستىردى»، - دەپ تولىقتاردى ايبەك سمادياروۆ.

Abai.kz