1992 جىلى 19 ماۋسىمدا تۇرعىنداردى جانە ەل اۋماعىنداعى وبەكتىلەردى اۋە سوققىلارىنان قورعاۋ ءۇشىن جاۋىنگەرلىك كەزەكشىلىكتى جۇزەگە اسىراتىن اۋە شابۋىلىنا قارسى قورعانىس اسكەرلەرى قۇرىلدى.

اۋە شابۋىلىنىڭ جاڭا تۇرلەرىنىڭ پايدا بولۋى، بەرىلگەن باعدارلاما بويىنشا ۇشۋدى ورىندايتىن، بايقالمايتىن، جوعارى جىلدامدىقتى ۇشقىشسىز اپپاراتتاردى قولدانۋ اۋە شابۋىلىنا قارسى قورعانىس كۇشتەرى مەن قۇرالدارىنىڭ قۇرامىن قايتا قارادى.

زەنيتتىك زىمىران كەشەندەرى كۇرەسە المايتىن شاعىن ۇشقىشسىز اپپاراتتاردىڭ سوققىلارىنان وبەكتىلەردى قورعاۋ مىندەتتەرىن شەشەتىن بولىمشەلەر قۇرىلدى. ەسكىرگەن اۋە قورعانىسى قۇرالدارىن اۋە ماقساتتارىنىڭ كەڭ سپەكترىمەن كۇرەسۋگە قابىلەتتى زاماناۋي قۇرالدارمەن اۋىستىرۋ جۇمىستارى جۇرگىزىلۋدە. بۇل رەتتە بارلاۋ جانە اتىس جۇيەلەرىن جەتىلدىرۋگە باسا نازار اۋدارىلادى.

اۋە شابۋىلدارىنان قورعاۋ مىندەتتەرىن اۋە شابۋىلىنا قارسى قورعانىس اسكەرلەرى، قۇرلىق اسكەرلەرىنىڭ اۋە شابۋىلىنا قارسى قورعانىس اسكەرلەرى جانە اسكەري-اۋە كۇشتەرى ورىندايدى. اۋە شابۋىلىنا قارسى قورعانىس اسكەرلەرىنىڭ نەگىزگى كومپونەنتى – زەنيتتىك زىمىران جانە راديوتەحنيكالىق اسكەرلەر.

اۋە شابۋىلىنا قارسى قورعانىس اسكەرلەرىنىڭ ماماندارى ىنتىماقتاستىق شەڭبەرىندە س-300 زەنيتتىك زىمىران ديۆيزيوندارى مەن راديوتەحنيكالىق اسكەرلەردىڭ ەسەپتوپتارىن تارتا وتىرىپ، «اۋە كىلتتەرى»، «اشىق اسپان» حالىقارالىق وقۋ-جاتتىعۋلارىنا، «سارىشاعان» پوليگونىندا وتكەن «جاۋىنگەرلىك دوستاستىق» تاكتيكالىق وقۋ-جاتتىعۋلارعا قاتىستى.

اۋە شابۋىلىنا قارسى قورعانىس اسكەرلەرىنىڭ قىزمەتىندە «بۋك-م2ە»، «تور-م2ك» زاماناۋي زەنيتتىك زىمىران كەشەندەرى، GM-403 «نۇر» جانە «روسا-رب» راديولوكاتسيالىق ستانتسيالارى بار. قولدانىستاعى قارۋ-جاراقتى جوندەۋ جانە جاڭعىرتۋ وتاندىق قورعانىس-ونەركاسىپ كەشەنىنىڭ كاسىپورىندارىندا ورىندالادى.

اۋە كەڭىستىگىن باقىلاۋ جانە اۋە قاۋىپتەرىنەن ءتيىمدى قورعانۋ ءۇشىن قازىرگى زامانعى قاتەرلەردى ەسكەرە وتىرىپ، قورعانىس مينيسترلىگى اسكەرلەردى اۋە نىساندارىن انىقتاۋ مەن جويۋدىڭ زاماناۋي قۇرالدارىمەن، سونداي-اق ءتيىمدى باسقارۋ جانە بايلانىس جۇيەلەرىمەن جابدىقتاۋ بويىنشا جۇمىس جۇرگىزۋدە.

Abai.kz