قازاقستانعا كەلگەن قىتاي تۋريستەرىنىڭ سانى ءبىر وبلىستىڭ حالقىمەن تەڭەستى...

قازاقستانعا 2025 جىلدىڭ باسىنان بەرى قىتايدان كەلگەن تۋريستەر سانى 665 مىڭ ادامعا جەتتى. بۇل تۋرالى تۋريزم جانە سپورت ۆيتسە-ءمينيسترى ەرجان ەركىنباەۆ حابارلادى دەپ جازادى Ertenmedia.

ونىڭ ايتۋىنشا، تۋريستەر سانىنىڭ كۇرت ارتۋىنا قازاقستان مەن قىتاي اراسىنداعى ۆيزاسىز رەجيمنىڭ ەنگىزىلۋى، سونداي-اق ەكى ەل اراسىندا جاڭا اۋە باعىتتارىنىڭ اشىلۋى وڭ ىقپال ەتكەن.

بيىل قازاقستان مەن قىتاي اراسىندا تىكەلەي اۋە رەيستەرى ەداۋىر كوبەيدى.

اتاپ ايتقاندا، الماتىعا گۋانچجوۋ، چەندۋ جانە شانحاي قالالارىنان، سونداي-اق شىمكەنتكە شانحاي مەن سيان قالالارىنان جاڭا رەيستەر اشىلدى.

بۇعان قوسا، 29 مامىردا «سيان – الماتى» باعىتىنداعى العاشقى تۋريستىك پويىز دا ىسكە قوسىلدى. بۇل باستاما «ورتالىق ازيا – قىتاي» ەكىنشى ءسامميتى اياسىندا جۇزەگە اسىپ، ەكى ەلدىڭ مادەني جانە گۋمانيتارلىق بايلانىسىن نىعايتۋدى ماقسات ەتەدى.

Abai.kz