الماتىدا «تازا قازاقستان» ەكولوگيالىق اكتسياسى اياسىندا كەڭ اۋقىمدى سەنبىلىك ءوتتى. اتالعان شاراعا ۆولونتەرلەر فرونت-وفيسىنىڭ بەلسەندى جاستارى بەلسەنە قاتىسىپ، قالانىڭ تازالىعىنا ۇلەس قوستى.

سەنبىلىك بارىسىندا جاستار ساياباقتار مەن كوشەلەردى قوقىستان تازارتىپ، جاسىل جەلەكتەردى رەتكە كەلتىردى. ەكولوگيالىق مادەنيەتتى قالىپتاستىرۋدى ماقسات ەتكەن شارا — قوعامنىڭ قورشاعان ورتاعا دەگەن جاۋاپكەرشىلىگىن ارتتىرۋعا باعىتتالعان ماڭىزدى باستاما.

شاراعا قاتىسقان ۆولونتەرلەر بۇل سەنبىلىكتى تەك تازالىق جۇمىسى رەتىندە عانا ەمەس، تابيعاتقا دەگەن جاناشىرلىق پەن ازاماتتىق بەلسەندىلىكتىڭ كورىنىسى دەپ باعالادى.

«ءبىز ءۇشىن بۇل سەنبىلىك — تۋعان قالامىزعا دەگەن قامقورلىقتىڭ ناقتى ءىس جۇزىندەگى كورىنىسى. ءاربىر ازامات وزىنەن باستاپ تابيعاتقا جاناشىرلىق تانىتسا، قورشاعان ورتانى ساقتاۋ مۇمكىن بولادى»، — دەدى ۆولونتەرلەردىڭ ءبىرى.

ايتا كەتەيىك، الماتى قالاسىنىڭ جاستار ساياساتى باسقارماسىنىڭ قولداۋىمەن جۇمىس ىستەيتىن ۆولونتەرلەر فرونت-وفيسى — قالا جاستارىنىڭ ءتۇرلى الەۋمەتتىك، ەكولوگيالىق جانە پاتريوتتىق باعىتتاعى جوبالارعا قاتىسۋىنا مۇمكىندىك بەرىپ وتىرعان ماڭىزدى الاڭ. وسىنداي باستامالار جاستاردىڭ ازاماتتىق بەلسەندىلىگىن ارتتىرىپ، قوعامعا پايدالى بولۋعا ىنتالاندىرادى.

Abai.kz