ماتەريال Coral Club كومپانياسىنىڭ wellness-ەكسپەرتى، نۋتريتسيولوگ-دارىگەر كاتيرا جانپەيىسوۆامەن بولعان سۇحبات نەگىزىندە دايىندالدى. 

قازاق دالاسىنىڭ اپتاپ ىستىق جازى كەزىندە بابالارىمىز دەنساۋلىق پەن سەرگەكتىكتى دۇرىس ىشىلەتىن سۋسىندارمەن ساقتاۋدىڭ سىرىن بىلگەن. قىمىز، شۇبات، ايران، جارما-شالاپ، ءشوپ تۇنبالارى — بۇل ءداستۇرلى سۋسىندار تەك ءشولدى باسىپ قانا قويماي، اعزانى كۇشەيتىپ، كۇن ىستىعىندا السىزدىككە جول بەرمەيتىن.

بۇگىندە، ءتاتتى گازدى سۋسىندار مەن ەنەرگەتيكالار داۋىرىندە، وسى ۇمىت قالعان ءداستۇرلى رەتسەپتتەرگە قايتا ورالۋ — ۋاقىت تالابى. ولار ءالى دە وزەكتىلىگىن جوعالتقان جوق.

قازاق جازىندا قانداي سۋسىندار ىشكەن؟

كاتيرا جانپەيىسوۆانىڭ ايتۋىنشا، قازاق دالاسىندا عاسىرلار بويى شىلدەنىڭ شىلىڭگىر ىستىعىندا ادامدار كەلەسى تابيعي ءارى پايدالى سۋسىنداردى تۇتىنعان:

• قىمىز – اشىتىلعان بيە ءسۇتى;
• شۇبات – اشىتىلعان تۇيە ءسۇتى;
• ايران – سۇيىتىلعان قاتىق نەمەسە ايران (قازىرگى كەفيرگە ۇقساس);
• جارما-شالاپ – ايرانعا سۋ مەن تۇز قوسىلعان سالقىن سۋسىن;
• قۇرعاق جەمىس-جيدەكتەردەن قايناتىلعان كومپوتتار – مەيىز، ورىك، الما جانە تاعى باسقا كەپتىرىلگەن جەمىستەردەن;
• ءشوپ تۇنبالارى – اسىرەسە تاڭقۋراي (چابرەتس), جالبىز (مياتا), يتمۇرىن (شيپوۆنيك) سياقتى شيپالى وسىمدىكتەردەن دايىندالعان.

بۇل سۋسىندار تەك ءشولدى باسىپ قويماي، اعزانىڭ ىشكى تەپە-تەڭدىگىن ساقتاۋعا، يممۋنيتەتتى نىعايتۋعا جانە ىستىققا بەيىمدەلۋگە كومەكتەسكەن.

بۇل سۋسىنداردىڭ اعزاعا قانداي پايداسى بار؟

اشىتىلعان ءداستۇرلى سۋسىندار – تابيعي پروبيوتيكتەردىڭ كوزى. ولار اسقازان-ىشەك جولىنىڭ ساۋلىعىن قولدايدى، B توبى دارۋمەندەرىنىڭ سينتەزىنە ىقپال ەتەدى، زات الماسۋدى جاقسارتادى جانە فيزيكالىق جۇكتەمەدەن كەيىن اعزانىڭ قالپىنا كەلۋىن تەزدەتەدى.

بۇدان بولەك، مۇنداي سۋسىندار اپتاپ ىستىقتا اعزانىڭ سۇيىقتىق پەن ەلەكتروليت تەپە-تەڭدىگىن تابيعي جولمەن قالپىنا كەلتىرۋگە كومەكتەسەدى. قىمىز بەن شۇباتتىڭ قۇرامىندا جەڭىل باكتەرياعا قارسى اسەرى بار بيواكتيۆتى زاتتار كەزدەسەدى، بۇل ولاردى دەنساۋلىق ءۇشىن ءتىپتى دە پايدالى ەتەدى.

سۋ-تۇز تەڭگەرىمىنە اسەرى

اشىتىلعان سۋسىنداردىڭ قۇرامىنداعى ناتري، كالي، كالتسي جانە ماگني سىندى ماڭىزدى مينەرالداردىڭ ارقاسىندا ولار اعزانىڭ سۋ-تۇز بالانسىن ساقتاۋعا كومەكتەسكەن. بۇل اسىرەسە جازدا — اعزا تەر ارقىلى كوپ مولشەردە ەلەكتروليتتەردى جوعالتاتىن كەزدە — ەرەكشە ماڭىزدى. ءداستۇرلى سۋسىندار تابيعي جولمەن وسى جوعالتۋدى وتەپ، دەنەنىڭ تۇراقتى جۇمىس ىستەۋىنە جاعداي جاساعان.

نەلىكتەن قۇرامىندا تابيعي پروبيوتيكتەرى بار سۋسىنداردى تاڭداعان ءجون؟

جاز مەزگىلىندە اسقازان-ىشەك جولى ءالسىز ءارى سەزىمتال كۇيگە تۇسەدى — بۇعان سەبەپ ءجيى جەڭىل-جەلپى تاماقتانۋ، تاماق رەجيمىنىڭ وزگەرۋى جانە جالپى ىستىقتىڭ اعزاعا تۇسىرەتىن سترەسسى.

تابيعي پروبيوتيكتەر بۇل جاعدايدا:

• يممۋنيتەتتى نىعايتادى;
• اسقورىتۋدى جاقسارتادى;
• ىشەك ميكروفلوراسىنىڭ بالانسىن قالپىنا كەلتىرەدى;
• دارۋمەندەردىڭ، اسىرەسە B توبىنىڭ سينتەزىن قولدايدى.

  وسىنىڭ بارلىعى ىستىق پەن ىشكى جۇكتەمەگە توتەپ بەرۋ ءۇشىن اعزاعا ەرەكشە ماڭىزدى.

جازدىڭ ىستىعىندا اس قورىتۋعا نە كومەكتەسەدى؟

اس قورىتۋ جۇيەسىنە ەڭ جاقسى اسەر ەتەتىن اشىتىلعان سۋسىندار:

• قىمىز
• شۇبات
• ايران
• جارما-شالاپ
• ءتىرى اشىتقى مادەنيەتتەرى بار ءۇي كەفيرى

بۇل سۋسىندار اس قورىتۋ پروتسەسىن بەلسەندىرەدى، ىشەك ميكروفلوراسىن قولدايدى، جانە زات الماسۋدى قالىپقا كەلتىرۋگە كومەكتەسەدى.

ولاردىڭ گازدى سۋسىنداردان قانداي ارتىقشىلىقتارى بار؟

• قۇرامىندا قانت پەن كونسەرۆانتتار جوق;
• ميكروفلورانى بۇزباي، كەرىسىنشە قولدايدى;
• تابيعي فەرمەنتتەرگە باي;

  شىن مانىندە ءشولدى قاندىرادى, ال ءتاتتى گازدالعان سۋسىندار تەك ءشولدى كۇشەيتىپ، زات الماسۋعا كەرى اسەر ەتەدى.

بۇگىندە مۇنداي ءداستۇرلى رەتسەپتتەر وزەكتى مە؟

«ارينە، وزەكتى»، — دەيدى كاتيرا جانپەيىسوۆا. — «بۇل – تابيعي فۋنكتسيونالدى سۋسىندار. قازىرگى تاڭدا قانت، فاستفۋد پەن وڭدەلگەن ونىمدەردىڭ كوبەيگەن كەزەڭىندە مۇنداي تابيعي ونىمدەر دەنساۋلىقتى قولداۋ ءۇشىن ەرەكشە قاجەت».

بابالارىمىز قانداي شوپتىك سۋسىنداردى تۇتىنعان؟

• يتمۇرىن تۇنباسى — تابيعي س دارۋمەنى كوزى
• جالبىز بەن تاڭقۋراي (چابرەتس) — جۇيكە جۇيەسىنە تىنىشتاندىراتىن اسەر بەرەدى
• قۇرعاق جەمىس-جيدەك كومپوتتارى (قىزىل قاراقات، ورىك، مەيىز) — انتيوكسيدانتتارعا باي
• ءتاتتى ميا (سولودكا) مەن ودۋۆانچيك تامىرىنىڭ قايناتپاسى — جەڭىل تابيعي دەتوكس اسەرى بار

ءداستۇر مەن زاماناۋي تاماقتانۋدى قالاي ۇيلەستىرۋگە بولادى؟

• كۇندەلىكتى راتسيونعا اشىتىلعان سۋسىنداردى ەنگىزۋ
• گازدالعان سۋسىنداردى — تابيعي قايناتپالار مەن شايلارمەن الماستىرۋ
• سۋ ءىشۋدى ۇمىتپاۋ (مىسالى، Coral Mine قوسىلعان سۋ)
• تاماقتىڭ تەڭگەرىمىن ساقتاۋ — اقۋىز، ماي جانە كومىرسۋلار ۇيلەسىمى

  وسىنداي ءتاسىل يممۋنيتەتتى ساقتاۋعا، اسقازان-ىشەك جولىنىڭ ساۋلىعىن قامتاماسىز ەتۋگە جانە جالپى جاعدايدى جاقسارتۋعا كومەكتەسەدى — ءتىپتى جازدىڭ ەڭ ىستىق كۇندەرىندە دە.

Abai.kz