قازاقستاندىق ساداقشىلار ازيا كۋبوگىنىڭ كەزەكتى كەزەڭىندە جوعارى ناتيجەگە قول جەتكىزىپ، التىن مەدال جەڭىپ الدى. سونىمەن قاتار ۇلتتىق قۇرامانىڭ بىرنەشە مۇشەسى جۇلدەگەرلەر قاتارىنا ەندى. بۇل-ەلىمىزدىڭ ساداق اتۋ سپورتى سالاسىنداعى جۇيەلى جۇمىستىڭ، سپورتشىلار مەن جاتتىقتىرۋشىلاردىڭ تىنىمسىز ەڭبەگىنىڭ جەمىسى.

ساداق اتۋ - حالقىمىزدىڭ تاريحي جانە رۋحاني مۇراسى. اتا - بابالارىمىز ءۇشىن
ساداق - ەرلىك پەن نامىستىڭ، ءتارتىپ پەن دالدىكتىڭ نىشانى بولعان. بۇگىنگى جەڭىس - ۇلتتىڭ تاريحي جادىمەن تىكەلەي ساباقتاس، ۇرپاقتان - ۇرپاققا جالعاسىپ كەلە جاتقان رۋحتىڭ كورىنىسى.

سونداي-اق، وسى سالاعا ەرەكشە نازار اۋدارىپ كەلە جاتقان قازاقستان رەسپۋبليكاسىنىڭ تۋريزم جانە سپورت ءمينيسترىنىڭ ماراپاتتالۋىن فەدەراتسيا ەلىمىزدىڭ سپورت سالاسىنا كورسەتىلگەن جوعارى سەنىم مەن قولداۋدىڭ بەلگىسى دەپ باعالايدى.

قازاقستان رەسپۋبليكاسىنىڭ ساداق اتۋ فەدەراتسياسى بارلىق جەڭىمپازداردى، جۇلدەگەرلەردى، جاتتىقتىرۋشىلار مەن كوماندانىڭ بارلىق مۇشەلەرىن شىن جۇرەكتەن قۇتتىقتايدى. بۇل - ۇلتتىق رۋح پەن بىرلىكتىڭ جەڭىسى.

Abai.kz