الماتى پروكۋراتۋراسى قىلمىستىق توپ قىزمەتىنىڭ جولىن كەستى.

الماتى قالاسىنىڭ پروكۋراتۋراسى جۇرگىزگەن تەكسەرۋ ناتيجەسىندە جالعان قۇجاتتار مەن كەدەندىك سايكەستەندىرۋ قۇرالدارىن پايدالانا وتىرىپ، تاۋارلاردى كەدەندىك شەكارا ارقىلى وتكىزۋ، سونداي-اق ناقتى ورىندالماعان جۇمىستاردىڭ، كورسەتىلمەگەن قىزمەتتەردىڭ جانە تيەلمەگەن تاۋارلاردىڭ شوت-فاكتۋرالارىن جازىپ بەرۋ فاكتىلەرى انىقتالدى.

جينالعان ماتەريالدار بويىنشا بىرقاتار قىلمىستىق ىستەر تىركەلگەن، وندا«كەدەن سالاسىنداعى ۋاكىلەتتى ەكونوميكالىق وپەراتورلار» كومپانيالارىنىڭ باسشىلارى كۇدىكتى رەتىندە وتكەن.

قۇقىققا قارسى ارەكەتتى جۇزەگە اسىرۋ كەزەڭىندە مەملەكەتكە كەلتىرىلگەن زالالدىڭ جالپى سوماسى 33 ميلليارد تەڭگەدەن استى.

سوت ۇكىمىنە سايكەس ايىپتالۋشىلار قىلمىستىق كودەكسىنىڭ 216, 234-باپتارى بويىنشا كىنالى دەپ تانىلدى.

كىنالى ادامدارعا مۇلكى مەملەكەت كىرىسىنە تاركىلەنىپ، ەكى جىلدان جەتى جىلعا دەيىنگى مەرزىمگە باس بوستاندىعىنان ايىرۋ تۇرىندەگى جازانىڭ ءارتۇرلى مەرزىمدەرى تاعايىندالدى.

اپەللياتسيالىق ساتى ۇكىمدى كۇشىندە قالدىردى.

Abai.kz