قازاقستاندا ءبىرىنشى سىنىپقا قۇجات قابىلداۋ جالعاسىپ جاتىر. قابىلداۋ 2025 جىلدىڭ 1 ساۋىرىنەن باستالىپ، 31 تامىزعا دەيىن جالعاسادى.

وقۋ-اعارتۋ مينيسترلىگىنىڭ مالىمەتىنشە، قازىرگى ۋاقىتتا 274 مىڭ بالا ءبىرىنشى سىنىپقا قابىلداندى. ولاردىڭ 70%-ى وقۋ ءتىلى رەتىندە مەملەكەتتىك ءتىلدى تاڭداعان.

قۇجاتتاردى تاپسىرۋ كەلەسى جولدارمەن جۇزەگە اسىرىلادى:

• eGov.kz ەلەكتروندى ۇكىمەت پورتالى ارقىلى
• eGov mobile ءموبيلدى قوسىمشاسى ارقىلى
• مەكتەپكە بارىپ، قاعاز تۇرىندە تاپسىرۋ ارقىلى

قۇجاتتاردى قابىلداۋ دەمالىس جانە مەرەكە كۇندەرىن قوسپاعاندا جۇمىس كۇندەرى جۇرگىزىلەدى.

ايتا كەتەيىك، 2024-2025 وقۋ جىلىندا قازاقستاندا 351 176 بالا ءبىرىنشى سىنىپقا قابىلدانعان.

ەڭ كوپ ءبىرىنشى سىنىپ وقۋشىسى تۇركىستان وبلىسىندا تىركەلدى – 44 مىڭنان استام بالا.

ودان كەيىنگى ورىنداردا الماتى وبلىسى (34 مىڭ) جانە استانا قالاسى (26 مىڭ) تۇر.