14 شىلدەدە ۇلتتىق قاۋىپسىزدىك كوميتەتى الماتى قالاسى پوليتسيا دەپارتامەنتىمەن بىرلەسىپ، 2025 جىلى مامىردا وسكەمەن قالاسىنىڭ تۇرعىنىن ۇرلاپ ولتىرگەن، كۇدىكتى توپتىڭ ەكى مۇشەسىن ۇستاۋ بويىنشا وپەراتسيا جۇرگىزدى.

ولارعا قاتىستى 2 ايعا قاماۋعا الۋ بۇلتارتپاۋ شاراسى تاعايىندالىپ، ۋاقىتشا ۇستاۋ يزولياتورىنا قامالدى.

سونداي-اق ىزدەستىرىلىپ جاتقان ادامداردى قاساقانا جاسىرىپ جۇرگەن الماتى قالاسىنىڭ تۇرعىنىن قىلمىستىق جاۋاپكەرشىلىككە تارتۋ ماسەلەسى دە شەشىلۋدە.

قىلمىستىق-پروتسەستىك كودەكستىڭ 201-بابىنىڭ 1-بولىگىنە سايكەس وزگە اقپارات جاريا ەتۋگە جاتپايدى.

قىلمىستىق كودەكستىڭ 432-بابىنا سايكەس، قىلمىس پەن قىلمىسكەرلەردى جاسىرعانى ءۇشىن جاۋاپكەرشىلىك قاراستىرىلعانىن ەسكە سالامىز.

Abai.kz