سوتتا كۋاگەر تولعاناي بورالكي ءسوز سويلەدى. پروكۋرور ونىڭ ءسوزى كەزىندە پەريزات قايراتتىڭ تەلەفونىنان الىنعان حات الماسۋدى وقىپ بەردى. وندا ديپلوم ماسەلەسى قوزعالعان. بورالكي – ايىپتالۋشىنىڭ قۇربىسى.

– ءبىز پەريزات قايراتتىڭ ۇيالى تەلەفونىن زەرتتەدىك، 2023 جىلعى 18 مامىرعا تيەسىلى حات الماسۋ بار. ءسىز ول سىزگە "قازاقستاندا ديپلومدى "زامۋتيت" ەتەتىن تانىستارىڭ بار ما” دەپ جازعانىن راستاي الاسىز با؟» – دەپ سۇرادى پروكۋرور ارمان كيزيكەن.

پەريزاتتىڭ قۇربىسى بۇل اقپاراتتى راستادى.

– مەنىڭ بىلۋىمشە، ول ءبىر ءمينيستردىڭ كومەكشىسى بولىپ جۇمىسقا ورنالاسقىسى كەلدى. ناقتىسىن بىلمەيمىن، – دەدى تولعاناي.

سوت «زامۋتيت» ءسوزى نەنى بىلدىرەتىنىن ناقتىلادى.

– مەنىڭ تۇسىنىگىمشە، ول ساتىپ الۋدى ەمەس، سىرتتاي وقىپ، مەملەكەتتىك قىزمەتكە ورنالاسۋدى كوزدەگەن، – دەدى كۋاگەر.

اڭگىمەگە پەريزات قايراتتىڭ ءوزى دە ارالاستى.

– ەگەر ديپلوم تۋرالى ءسوز بولىپ جاتسا، مەن ءوز ديپلومىمدى تىركەۋ ماسەلەسىن سۇراستىرعان ەدىم. سەبەبى مەنىڭ ديپلومىم شەتەلدەن الىنعان، ال قازاقستاندىق جوعارى ءبىلىمىم جوق بولاتىن، – دەدى پەريزات قايرات. 

Abai.kz