2025 جىلعى __ شىلدە كۇنى الماتى قالاسى جەتىسۋ اۋدانىندا «قالا قاۋىپسىزدىگى» اكتسياسى ۇيىمداستىرىلىپ، تۇرعىندار اراسىندا قوعامدىق ءتارتىپتى ساقتاۋ، قۇقىق بۇزۋشىلىقتىڭ الدىن الۋ جانە ازاماتتاردىڭ قاۋىپسىزدىگىن ارتتىرۋ ماقساتىندا كەشەندى جۇمىستار جۇرگىزىلدى.

سۋرەت: جەتىسۋ اۋدانى اكىمدىگىنەن الىندى.

اكتسيا جەتىسۋ اۋدانى اكىمدىگى، الماتى قالاسى پوليتسيا دەپارتامەنتى، جەتىسۋ كوميۋنيتي ورتالىعى، سونداي-اق ەرىكتىلەر مەن جەرگىلىكتى تۇرعىنداردىڭ قاتىسۋىمەن ءوتتى.

سۋرەت: جەتىسۋ اۋدانى اكىمدىگىنەن الىندى.

ءىس-شارا اياسىندا:

• قۇقىق قورعاۋ ورگاندارى مەن ەرىكتىلەر كوپقاباتتى ۇيلەردىڭ اۋلالارىن، كوشەلەردى ارالاپ، بەينەباقىلاۋ جۇيەلەرىنىڭ جۇمىسىن تەكسەردى;

• تۇرعىندارعا قىلمىستىڭ الدىن الۋ، الاياقتىق ارەكەتتەردەن ساقتانۋ جانە جەكە قاۋىپسىزدىك تۋرالى ءتۇسىندىرۋ جۇمىستارى جۇرگىزىلدى;

• اقپاراتتىق پاراقشالار مەن جادىنامالار تاراتىلدى;

• تۇنگى مەزگىلدە جاسوسپىرىمدەردىڭ زاڭسىز ارەكەتتەرىنىڭ الدىن الۋ بويىنشا ءتۇسىندىرۋ شارالارى وتكىزىلدى.

• كوپقاباتتى تۇرعىن ۇيلەردەگى تەرەزەلەرگە قاۋىپسىزدىك تورلارىن ورناتۋ جۇمىستارى جۇرگىزىلدى.

«قالا قاۋىپسىزدىگى» اكتسياسىنىڭ باستى ماقساتى – تۇرعىندار مەن قۇقىق قورعاۋ ورگاندارى اراسىنداعى بايلانىس پەن سەنىمدى ارتتىرۋ، سونداي-اق قاۋىپسىز ءارى جايلى قالالىق ورتا قۇرۋ.

سۋرەت: جەتىسۋ اۋدانى اكىمدىگىنەن الىندى.

قاتىسۋشىلاردىڭ پىكىرىنشە، مۇنداي اكتسيالار تۇرعىنداردىڭ قۇقىقتىق ساۋاتتىلىعىن ارتتىرىپ قانا قويماي، ءوز ۇيلەرى مەن كوشەلەرىندەگى قاۋىپسىزدىككە دەگەن جاۋاپكەرشىلىكتى دە كۇشەيتەدى.

اكتسيا ناتيجەسىندە بىرنەشە ەسكەرتۋ جۇمىستارى جۇرگىزىلىپ، قاۋىپسىزدىككە بايلانىستى بىرقاتار ۇسىنىستار جينالدى. ولار الداعى ۋاقىتتا اۋداندىق دەڭگەيدە قاراستىرىلىپ، ناقتى شەشىمدەر قابىلداناتىن بولادى.

جەتىسۋ اۋدانىندا مۇنداي الدىن الۋ جانە اقپاراتتىق شارالار جۇيەلى تۇردە وتكىزىلىپ تۇرادى. قوعام مەن بيلىكتىڭ بىرلەسە ارەكەت ەتۋى – قاۋىپسىز ورتا قالىپتاستىرۋدىڭ باستى كەپىلى.

Abai.kz