ەكىنشى دەڭگەيدەگى بانكتەر، رەزيدەنت ەمەس بانك فيليالدارى جانە قازاقستاننىڭ دامۋ بانكىنىڭ ەسەپتى ۇسىنۋ قاعيداسى جاڭارتىلدى. قۇجات جوباسى «اشىق نقا» پورتالىندا جاريالاندى.

ۇلتتىق بانك ازىرلەگەن قاۋلى جوباسىندا ەلىمىزدەگى ەكىنشى دەڭگەيدەگى بانكتەردىڭ، قازاقستاندا رەزيدەنت ەمەس بانك فيليالدارىنىڭ، قازاقستان دامۋ بانكىنىڭ ەسەپ ۇسىنۋدىڭ بىرىڭعاي قاعيداسىمەن قوسا، اكىمشىلىك دەرەكتى جيناۋ ەرەجەسىن بەكىتۋ ۇسىنىلىپ وتىر.

وسىلايشا، ەسەپتى ۇسىنۋعا قاتىستى بىرتەكتەس جانە ءوزارا بايلانىستى ماسەلەنى رەتتەيتىن ۇلتتىق بانكتىڭ 2020 جىلعى 21 ساۋىردەگى №54 قاۋلىسى، 2021 جىلعى 2 ناۋرىزداعى №22 قاۋلىسى جانە 2018 جىلعى 29 ماۋسىمداعى №139 قاۋلىسى بىرىكتىرىلدى. جاڭا قاعيدا بەكىتىلگەننەن كەيىن اتالعان قاۋلىلاردىڭ كۇشى جويىلادى.

ايتا كەتەتىن جايت، ەكىنشى دەڭگەيدەگى بانكتەر، قازاقستاندا رەزيدەنت ەمەس بانك فيليالدارى جانە قازاقستاننىڭ دامۋ بانكىنىڭ ەسەپتىلىك نىساندارى جانە ولاردى ۇسىنۋ ءتارتىبى وزگەرمەيدى.

قۇجات جوباسى 2025 جىلعى 6 تامىزعا دەيىن قوعامدىق تالقىلاۋعا ۇسىنىپ وتىر.

Abai.kz