استانا قالاسىنا وتەتىن الەمدىك جانە ءداستۇرلى دىندەر ليدەرلەرىنىڭ سەزى اسا  ماڭىزى جيىن. بۇل الەم مەملەكەتتەرى اراسىندا بەيبىتشىلىك پەن كەلەسىمدى نىعايتۋعا جول اشادى.

قازاقستان رەسپۋبليكاسىندا ءدىن ۇستانۋشىلارعا وڭ قاباقپەن قارايدى. قانداي ءدىننىڭ وكىلى بولسا دا، ءوز ءدىنىن  ۇستانۋىنا مۇمكىندىك بار . "ءدىن مەملەكەتتەن بولەك” دەسەك تە، بارلىق تىنىس-تىرشىلىگىمەن سول مەملەكەتپەن بىرگە. ۇستاناتىن ءدىني قاعيدالارى, جوسپارلى باعدارلامالارى قازاقستانمەملەكەتىنىڭ زاڭدارىنا قايشى كەلپەۋى كەرەك. كەرىسىنشە, سول مەملەكەتتى قۇراۋشى ۇلتپەن جانە سوندا ءومىر ءسۇرىپ جاتقان وزگە دە ەتنوستارمەن بىتە قايناسا ءومىر ءسۇرىپ, جاڭا زامان تالابىنا ساي جاڭعىرا وتىرىپ دامۋى كەرەك. بۇل سەزدەدە ءار مەملەكەت  ليدەرلەرىنىڭ ءوز ويىن اشىق بىلدىرۋگە مۇمكىندىكتەرى بار.

ءبىزدىڭ مەملەكەتتە وسىمەن دىندەر ليدەرلەرىنىڭ سەزى بىرنەشە رەت ءوتىپ, ماڭىزدى ماسەلەلەردى تالقىلادى. سەزدىڭ جوعارى دارەجەدە وتۋىنە ەل پرەزيدەنتى قاسىم-جومارت توقاەۆ ءوزى ىقپال  ەتىپ وتىر.

بۇل جيىننان الەمنىڭ بىرنەشە ەلىنەن كەلگەن دەلەگاتتار ۇلكەن وي تۇيەدى, تاجىريبە جيناقتايدى. جيىننىڭ كوپشىلىككە بەرەتىن اسەرى سول. سەزدگە قاتىسۋشىلار جان-جاقتى مالىمەت الادى. بۇل جيىن ءبىزدىڭ ەلدىڭ الەمالدىنداعى ۇلكەن بەدەلى مەن زور ابىرويىن كورسەتەدى. سونىمەن قاتار ءبىزدىڭ حالقىمىزعا, بۇگىنگى قوعامىمىزعا كوپ ىقپالىن تيگىزەتىنى انىق. قازاقستان مەملەكەتى كوپتەگەن ەتنوستاردى, ءداستۇرلى ءدىن وكىلدەرىن باۋىرىنا باسقان ەل. بۇعان دەيىنگى وتكەن جيىنداردىڭ ەلىمىزدە تىنىشتىق, ءدىني تۇسىنىستىك بولۋىنا ىقپالى ءتيدى دەپ ايتا الامىز.

جەكە-دارا ادامدار ءدىني نانىم-سەنىمگە مۇقتاج بولماعانىمەن, مەملەكەتتەر ءتۇرلى ءدىني بىرلەستىكتەردى قۇرامىنا كىرگىزەتىن ۇلكەن كۇش.

ءداسءتۇرلى دىندەردىڭ ەشبىرى ەل اراسىنا بۇلىك سالىپ, الاۋىزدىقتىڭ وتىن تۇتاتۋدى كوزدەمەيدى. قازاق ماقالىنداعى “ايتار اۋىز بولەك بولعانىمەن, تىلەك- ءبىر” دەگەن تۇجىرىمداعىداي, بارلىعىنىڭ ۇندەيتىنى - بەيبىتشىلىك پەن ىنتىماق. كوپ ۆەكتورلى ساياساتتى ۇستاناتىن مەملەكەت بولعاندىقتان, مۇنداي اۋقىمدى جيىن وتكىزۋ قازاقستاننىڭ ابىرويىن كوتەرەدى.

مەملەكەتتىڭ قۋاتى - قۇرامىنداعى ءتۇرلى ءدىني بىرلەستىكتەردى كەلىسىم ارقىلى ءبىر باعىتتا ۇستاي الۋىندا.

ءدىن ىستەرى باسقارماسىنىڭ باسشىسى - نۇرلان قيقىموۆ

Abai.kz