قازاقستانداعى ءباس تىگۋ مەن ويىن بيزنەسى سالاسىنداعى جاعداي ەلەۋلى الاڭداۋشىلىق تۋعىزادى. بۇل سالا اشىق ەمەس وپەراتسيالاردىڭ جوعارى ۇلەسىمەن، كولەڭكەلى اينالىمنىڭ باسىم بولۋىمەن جانە الەۋمەتتىك تۇراقتىلىق ءۇشىن ەلەۋلى تاۋەكەلدەرمەن سيپاتتالادى.

قارجىلىق مونيتورينگ اگەنتتىگى بۋكمەكەرلەردىڭ 21 جاسقا تولماعان 174 مىڭ ازاماتتان 36 ملرد تەڭگەگە ءباس قابىلدانعانىن انىقتادى. سونىمەن قاتار، بۇل قاراجاتتىڭ قىلمىستىق سحەمالارعا قاتىساتىنى بەلگىلى بولدى. 2024 جىلى قاراعاندى وبلىسىندا ەسىرتكى زاتتارىن ساتۋدان الىنعان 60 ملن تەڭگەءنىڭ بۋكمەكەرلىك كەڭسەلەردىڭ شوتتارى ارقىلى زاڭسىز شىعارىلعانى انىقتالدى.

كولەڭكەلى سەكتوردى تومەندەتۋ ءۇشىن قارجىلىق اعىنداردىڭ اشىقتىعى قاجەت، ونى ءباس تولەمدەرىن «بىرىڭعاي ەسەپكە الۋ جۇيەسى»قامتاماسىز ەتە الادى. باستەردى مەملەكەتتىك رەتتەۋدىڭ جارقىن ءبىرمىسالى: فينليانديا، نورۆەگيا مەن وڭتۇستىك كورەيا. بۇل ەلدەردەگى باستەردى باقىلاۋدىڭ ونلاين جۇيەسى كوبىنەسە مەملەكەتتىك مونوپوليالارمەن جۇزەگە اسىرىلادى.

بىرىڭعاي ەسەپكە الۋ جۇيەسى – بۋكمەكەرلەر مەن ولاردىڭ كليەنتتەرى اراسىندا تولەمدەر جۇرگىزۋدى قامتاماسىز ەتەتىن، سونداي-اق ءباس تۋرالى ەگجەي-تەگجەي اقپارات جينايتىن ارنايى پلاتفورما. ونى ەنگىزۋ – ۋاقىت تالابىنا ساي قاجەتتىلىك.

Abai.kz