ەڭبەك جانە حالىقتى الەۋمەتتىك قورعاۋ مينيسترلىگىنىڭ رەداكتسيامىزدىڭ رەسمي ساۋالىنا بەرگەن جاۋابىنا سايكەس، 2025-2035 جىلدار ارالىعىندا ەل ەكونوميكاسىنا شامامەن 2,98 ميلليون مامان قاجەت بولادى.

بۇل كورسەتكىش ورتا مەرزىمدى ەڭبەك نارىعى بولجامى اياسىندا جاسالعان.

مينيسترلىك مالىمەتىنشە، كادرلارعا دەگەن جيىنتىق سۇرانىستىڭ:

• 28%-ى نەمەسە 825 مىڭ ادام ناقتى سەكتوردا قالىپتاسسا،
• 72%-ى نەمەسە 2 ميلليون 153 مىڭ ادام قىزمەت كورسەتۋ سالاسىنا تيەسىلى بولادى.

قىزمەت كورسەتۋ سالاسىنداعى ماماندارعا سۇرانىستىڭ نەگىزگى بولىگىن قوعامدىق قىزمەت كورسەتۋ سالاسى قۇراپ وتىر. اتاپ ايتقاندا:

• ءبىلىم بەرۋ سالاسىندا– 448 مىڭ مامان،
• دەنساۋلىق ساقتاۋ سالاسىندا– 240 مىڭ مامان قاجەت بولادى.

سونىمەن قاتار، شامامەن 634 مىڭ ادامعا دەگەن سۇرانىس بيزنەس-قىزمەتتەر سالاسىنا تيەسىلى بولماق. بۇل سالا:

• اكىمشىلىك جانە قوسالقى قىزمەتتەردى– 170 مىڭ ادام،
• قارجى جانە ساقتاندىرۋ سالاسىن– 166 مىڭ ادام،
• كاسىپتىك جانە عىلىمي قىزمەتتەردى– 160 مىڭ ادام قامتيدى.