ۇلى قازاق اقىنى، اعارتۋشى جانە ويشىل اباي قۇنانبايۇلىنىڭ 180 جىلدىعىن اتاپ ءوتۋ اياسىندا قاراعاندى وبلىسى «ادامزاتتىڭ ابايى» اتتى رەسپۋبليكالىق ونلاين-چەللەندجگە بەلسەندى قاتىستى.

ايماقتاعى چەللەندجدى العاشقىلاردىڭ ءبىرى بولىپ بەلگىلى اقىن، جۋرناليست، حالىقارالىق «الاش» ادەبي سىيلىعىنىڭ لاۋرەاتى باعدات مۇباراك باستادى. ءوز سوزىندە ول اباي مۇراسىنىڭ تەك مادەني قازىنا عانا ەمەس، سونىمەن قاتار مورالدىق باعدار ەكەنىن اتاپ ءوتتى.

«ابايدىڭ سوزدەرى عاسىرلار بويى جاڭعىرىپ، ادامداردىڭ بىلىمگە، ادالدىق پەن ار-وجدانعا ۇمتىلىسىن وياتادى»، – دەپ، ۇلى ويشىلدىڭ پوەتيكالىق مۇراسىن قازىرگى زامان تۇرعىسىنان زەردەلەۋدىڭ ماڭىزدىلىعىن ەرەكشە اتاپ ءوتتى.

رەسپۋبليكالىق اكتسيا ۇلكەن قولداۋ تاپتى، ونلاين-چەللەندجگە 1000-نان استام ادام قاتىستى. ولاردىڭ قاتارىندا وقۋشىلار مەن ستۋدەنتتەر، پەداگوگتار، عالىمدار، مادەنيەت پەن سپورت قايراتكەرلەرى، جاستار بىرلەستىكتەرىنىڭ وكىلدەرى جانە ءوڭىردىڭ بەلسەندى تۇرعىندارى بار.

چەللەندجگە قاتىسۋشى – ن. نۇرماقوۆ اتىنداعى وبلىستىق مامانداندىرىلعان مەكتەپ-ينتەرناتىنىڭ 11-سىنىپ وقۋشىسى جاقسىباەۆا ءاليا باۋىرجانقىزى. ءاليانىڭ ايتۋىنشا، ول بالا كەزىنەن اباي پوەزياسىنا قىزىعادى، ال چەللەندجگە قاتىسۋ ۇلى اقىننىڭ شىعارماشىلىعىنا دەگەن سۇيىسپەنشىلىگىن بىلدىرۋگە مۇمكىندىك بەردى: «اباي قۇنانبايۇلىنىڭ شىعارمالارى ءاردايىم وزەكتىلىگىن جوعالتپايدى. جاستاردىڭ كوبىرەك وسى مۇرامەن تانىسىپ، سۋسىنداعانىن قالايمىن – سەبەبى وندا تەرەڭ دانالىق، ادامگەرشىلىك جانە وتانعا دەگەن ماحاببات جاتىر».

قاتىسۋشىلار «قارا سوزدەردەن» ءۇزىندى وقىپ، اباي شىعارماشىلىعىنىڭ قازىرگى ومىردەگى ماڭىزى تۋرالى ءوز ويلارىمەن بولىسكەن بەينەروليكتەر ءتۇسىردى.

قاراعاندى وبلىسى «ادامزاتتىڭ ابايى» ەستافەتاسىن ۇلى اقىننىڭ تاريحي وتانى – اباي وبلىسىنا جولداپ، بۇل ارقىلى ۇرپاقتار ساباقتاستىعى مەن وڭىرلەر اراسىنداعى رۋحاني بايلانىستى ايقىندادى.