قر پارلامەنتى ءماجىلىسىنىڭ VIII شاقىرىلىم دەپۋتاتى جاناربەك ءاشىمجان اباي قۇنانبايۇلىنىڭ 180 جىلدىق مەرەيتويىنا وراي سەمەيدەن 170 شاقىرىم قاشىقتىقتاعى كيەلى جيدەبايعا بارىپ، ۇلى ويشىل ابايدىڭ رۋحىنا تاعزىم ەتتى,- دەپ حابارلايدى Dalanews.kz

دەپۋتاتتىڭ ايتۋىنشا، بۇل ساپاردىڭ ماقساتى — ەلدىڭ ەرتەڭى مەن وتان اماندىعى ءۇشىن تىلەك تىلەۋ جانە قازاقتىڭ ۇلى تۇلعالارىنا قۇرمەت كورسەتۋ.

«جاراتقان يەمىز تىلەگىمىزدى قابىل قىلعاي! قازىرگى كۇندەرى الاشتىڭ اتى شىققان ازاماتتارىنىڭ ءبارى سەمەيگە، كيەلى جيدەبايعا اعىلىپ كەلىپ جاتىر»، — دەدى ول.

1 تامىزدان باستاپ ابايدىڭ 180 جىلدىعىنا ارنالعان ءتۇرلى مادەني جانە رۋحاني ءىس-شارالار اباي وبلىسىنىڭ ورتالىعى سەمەيدە جانە وزگە وڭىرلەردە ءوتىپ جاتىر. پرەزيدەنت قاسىم-جومارت توقاەۆ جىل باسىندا ابايدىڭ مەرەيتويىن لايىقتى دەڭگەيدە اتاپ ءوتۋ قاجەتتىگىن جانە ونىڭ رۋحاني مۇرالارى قازاق قوعامىنىڭ ءومىر سالتىندا باعدارشام بولۋى ءتيىس ەكەنىن اتاپ وتكەن ەدى.

جاناربەك ءاشىمجان ابايدىڭ شىعارماشىلىق مۇراسى بۇگىندە قايتا جاڭعىرىپ، كىتاپتار مەن جيناقتار باسىلىپ جاتقانىن ايتتى. سونداي-اق ول اقىننىڭ التىنشى قارا سوزىندەگى بىرلىك تۋرالى ويىنا توقتالىپ، «اباي ايتقان اقىلعا بىرلىك — ەلدىككە، ۇلتتىق مۇددەگە باستايدى» دەدى.

حالىق قالاۋلىسى مەرەيتوي ەلدىڭ رۋحاني قۋاتىن ارتتىرىپ، جاستاردىڭ اباي مۇراسىنا بەت بۇرۋىنا ىقپال ەتەدى دەگەن سەنىم ءبىلدىردى.