دۇيسەنبى, 11 تامىز 2025
ولەڭ 171 0 پىكىر 11 تامىز, 2025 ساعات 13:09

«جىر جولىنداعى جۇمباق جول»

سۋرەت: kazgazeta.kz سايتىنان الىندى.

كيەسى سەزىلگەندەي ءبورىلىنىڭ...

بۇل دالا قاتپار سىرىن كۇبىرلەگەن،
كوز سالساڭ، ويعا شومىپ، ءتۇبى تەرەڭ...
سانادا مۇڭ تۇنادى، جىر نوسەرلەپ،
كۇندەرگە كەشەگى وتكەن دۇبىرلەگەن.

كۇن كۇلىپ، ءۇن شوعىرلاپ اسپانىندا،
ءبىر-ءبىر جىر جاتقان جۇمباق تاستارىندا...
باتا الىپ، ءزامزام ءىشىپ، جول تارتامىز،
كۇشىكباي باتىر بابا باستاۋىندا.

شىڭىراۋ تارتسا تۇنىق تەگى جىرىم،
بوز جۋسان اڭقا جارعان، جەرى - نۋىم.
دانا مۇحتار - كىندىك قانى تامعان مەكەن،
كيەسى سەزىلگەندەي ءبورىلىنىڭ.

بيىكتىك پاراساتتى استارى قات.
وۋ، بۇ جەر، نە شىركىن، داستان - بۇلاق.
حاكىم اباي تۋعان جەر وسى جەر عوي؟!
قادىرى ارتقان الاشقا سىرتقاسقابۇلاق.

شۋاعىن تاراتسا ەدى شاپاعات نۇر.
عالامات عاشىق وتىن، كاۋسار - باقتىڭ.
ەڭلىك - كەبەك... ەسكەرتكىشكە - تاعزىم ەتتىك،
تاريحى مۇندا تۇنعان ماحابباتتىڭ.

ساعىمداي كولبەپ سوناۋ قادىم - كۇنىم...
ءتاۋ ەتسەڭ، جول قاداپ تۇر - ءازىز سۇعىن.
قالقاندى - قىلىشىمەن ەل قورعاعان،
ەرالى باتىر جاتقان جازىعى بۇل.

قارت شىڭعىس، قاسيەتتىم، وردا - بەسىك...
قىرانداي قۇز-قيالى شولعان كوشى.
ماڭدايدان يىسكەيدى ءاز بالاسىن،
قارا ولەڭ قازىعىندا سامالا ەسىپ.

ساناڭا سىر ۇشىعىن ساقتار ما ەدىڭ؟!
سۇرەدەي سۇبەلى سىي تارتقان ەرىم!..
قالىڭ جۇرت ارۋاعىنا ايات وقىر -
قۇنانباي - قاجى اۋلەتى جاتقان قورىم.

ويىم دا وركەن جايىپ مۇنارلاعان.
كيەڭە، مىڭ تاعزىمىم تۇمار - بابام.
حاكىم اباي، اۋليە شاھكارىمىم -
قوس كۇمبەز شارتاتاپقا نۇر اۋلاعان.

بارلىعى، جاراتقاننان سىي - سونار ءىز.
قالدىرعان قانشا اقىن جىرلاپ اڭىز.
قاراۋىل كيەلى ولكە رۋح بەرەدى -
كەڭگىرباي اتا - ابىز دا بي بابامىز.

الميساق ساف تاريحقا بولعان نەگىز.
ءمولدىر سۋلى شيپاسى، بويعا ەم ءجۇز.
«قوڭىر اۋليە» مەكەنىندە بار قاسيەت.
كونەدەن تاڭعاجايىپ جول كورەمىز...

كيە قونعان ولكەدەن سىر اڭداشى!
ءاربىر ولەڭ، ورىلگەن تۇنعان - تاسى.
....بار ەلگە، ىزگىلىگىن شاشىپ تۇر-اۋ،
الەمگە، ايگىلى بوپ جىر - قاعباسى!

ءبورىلى

Abai.kz

0 پىكىر