سەنات دەپۋتاتى بيبيگۇل جەكسەنباي ى. التىنسارين اتىنداعى ۇلتتىق ءبىلىم اكادەمياسى ۇيىمداستىرعان رەسپۋبليكالىق تامىز كونفەرەنتسياسى اياسىنداعى «ادال ازامات» اتتى پانەلدىك سەسسياعا قاتىستى.

كەزدەسۋ بارىسىندا سەناتور ەلىمىزدىڭ بارلىق وڭىرلەرىنەن كەلگەن ءبىلىم بەرۋ ۇيىمدارىنىڭ باسشىلارىنا، تاربيە ءىسى جونىندەگى ورىنباسارلارعا، پەداگوگتارعا، ادىستەمەلىك ورتالىقتاردىڭ ماماندارىنا جانە مەملەكەتتىك ورگاندار وكىلدەرىنە ءسوز ارنادى. ول قازاقستاننىڭ دامۋى ءۇشىن «ادال ازامات» تۇجىرىمداماسىنىڭ ماڭىزدىلىعىن اتاپ ءوتىپ، پرەزيدەنتتىڭ ۇلتتىق قۇرىلتايدا جاريالاعان «ادال ازامات» قاعيداتتارى – ۇلت كەلبەتىن قالىپتاستىراتىن ماڭىزدى قۇندىلىقتار ەكەنىن جەتكىزدى.

«قازاقستاننىڭ دامۋى ءۇشىن تەك ەكونوميكالىق رەفورمالار عانا ەمەس، ەڭ الدىمەن ازاماتتىق قوعامنىڭ وركەندەۋى ماڭىزدى. ەگەر ۇلتتىق قۇرىلتايدا ايتىلعان ادىلدىك، اشىقتىق، جاۋاپكەرشىلىك سىندى قۇندىلىقتار كۇندەلىكتى ءومىرىمىزدىڭ ءبىر بولىگىنە اينالسا، ەلدىڭ تۇراقتىلىعى تەك زاڭدارمەن عانا ەمەس، ءاربىر ازاماتتىڭ بەلسەندى قىزمەتىمەن قامتاماسىز ەتىلەدى», – دەپ اتاپ ءوتتى بيبيگۇل جەكسەنباي.

سەسسيا سوڭىندا سەناتور ەلوردالىق وقۋشىلاردىڭ جاڭا عىلىمي-زەرتتەۋ جوبالارىمەن تانىسىپ، جاستاردى يگى باستامالارعا تارتۋدىڭ جانە ازاماتتىق جاۋاپكەرشىلىكتى دامىتۋدىڭ ماڭىزدىلىعىن ەرەكشە اتاپ ءوتتى.

Abai.kz