پرەزيدەنتىمىز قاسىم-جومارت توقاەۆ تامىز كونفەرەنتسياسىنىڭ پلەنارلىق وتىرىسىندا سويلەگەن سوزىندە: «مەملەكەتتىك قىزمەتتە مەريتوكراتيا قاعيداتى باستى ورىنعا شىقتى. بيلىكتە دە «وتباسىلىق جۇيە» جوق. ازاماتتاردى قىزمەتكە تاعايىنداۋ كەزىندە ەڭ الدىمەن ولاردىڭ ءبىلىمى مەن كاسىبي بىلىگى ەسكەرىلەدى…»، - دەدى.

داۋ جوق، قاسىم-جومارت كەمەلۇلىنىڭ باتىل شەشىمدەرىنىڭ ناتيجەسىندە «وتباسىلىق جۇيە» قيراتىلدى.

بۇل ءۇشىن قاسەكەڭە العىسىمىز شەكسىز!

بىراق…

بىراق، تۇڭعىش پرەزيدەنتكە ارقا سۇيەي وتىرىپ، تيمۋر قۇلىباەۆ پەن كارىم ءماسىموۆ قۇرىپ كەتكەن «ۋرۋزپاتسيالىق جۇيە» ءالى جويىلعان جوق.

قازاقستان رەسپۋبليكاسىنىڭ كونستيتۋتسياسىنىنىڭ 5-بابىندا: «قوعامدىق بىرلەستىكتەر زاڭ الدىندا بىردەي. قوعامدىق بىرلەستىكتەر ىسىنە مەملەكەتتىڭ جانە مەملەكەت ىسىنە قوعامدىق بىرلەستىكتەردىڭ زاڭسىز ارالاسۋىنا، قوعامدىق بىرلەستىكتەرگە مەملەكەتتىك ورگانداردىڭ قىزمەتىن جۇكتەۋگە جول بەرىلمەيدى»، - دەپ جازىلعان.

ال، «قۇقىقتىق اكتىلەر تۋرالى» قازاقستان رەسپۋبليكاسىنىڭ زاڭىنىڭ 17-1- بابىندا: «كاسىپكەرلىك سۋبەكتىلەرىنىڭ مۇددەلەرىن قوزعايتىن كونسۋلتاتيۆتىك قۇجات قازاقستان رەسپۋبليكاسىنىڭ ۇلتتىق كاسىپكەرلەر پالاتاسىمەن جانە قازاقستان رەسپۋبليكاسىنىڭ كاسىپكەرلىك كودەكسىنە سايكەس قۇرىلعان جەكە كاسىپكەرلىك ماسەلەلەرى بويىنشا ساراپتاما كەڭەستەرىمەن (بۇدان ءارى – ساراپتاما كەڭەستەرى) مىندەتتى تۇردە تالقىلاۋعا جاتادى»، - دەپ جازىلعان.

ول از دەسەڭىز: «جەكە كاسىپكەرلىك سۋبەكتىلەرىنىڭ مۇددەلەرىن قوزعايتىن زاڭ جوبالارىن ازىرلەۋگە قازاقستان رەسپۋبليكاسىنىڭ ۇلتتىق كاسىپكەرلەر پالاتاسى جانە جەكە كاسىپكەرلىك سۋبەكتىلەرىنىڭ اككرەديتتەلگەن بىرلەستىكتەرى وكىلدەرىنىڭ قاتىسۋى مىندەتتى»، - دەپ تاعى اشىق جازىلعان.

دەمەك، مەملەكەتتىڭ زاڭ شىعارۋ پروتسەسىن «ۇلتتىق كاسىپكەرلىك پالاتاسى» دەگەن كوممەرتسيالىق ەمەس ۇيىمعا بۇلاي بيلەتىپ قويۋ — بىرىنشىدەن، قازاقستان رەسپۋبليكاسىنىڭ كونستيتۋتسياسىنا قايشى. ەكىنشىدەن، ناعىز ۋرۋزپاتسيا بولىپ تابىلادى!

مەن بيىلعى جولداۋىندا قاسىم-جومارت كەمەلۇلى «قازاقستان رەسپۋبليكاسىنىڭ ۇلتتىق كاسىپكەرلەر پالاتاسى تۋرالى» زاڭىنىڭ كۇشىن جويۋ تۋرالى تاريحي شەشىم قابىلداپ، اتالعان «ۋزۋرپاتسيالىق جۇيەنىڭ» دە كۇلىن كوككە ۇشىرادى دەپ سەنەمىن!

ءبىز سىزبەن بىرگەمىز، اسا مارتەبەلى قاسىم-جومارت كەمەلۇلى!

اۋىت مۇقيبەك

Abai.kz