اتىراۋ وبلىسى دەنە شىنىقتىرۋ، سپورت جانە تۋريزم باسقارماسىنا قاراستى قالا جانە اۋداندارداعى 18 سپورتتىق ۇيىمعا جاڭا اۆتوبۋستار ساتىپ الىندى. بۇل ءوز كەزەگىندە بالالاردىڭ قاۋىپسىزدىگىن قامتاماسىز ەتىپ، ەركىن قاتىناۋىنا مۇمكىندىك بەرمەك.

سۋرەت: gov.kz سايتىنان الىندى.

سۋرەت: gov.kz سايتىنان الىندى.

ماقسات — سپورتپەن شۇعىلداناتىن بالالار مەن جاسوسپىرىمدەردىڭ جاتتىعۋ جانە جارىس ورىندارىنا قاۋىپسىز ءارى ىڭعايلى تۇردە قاتىناۋىن قامتاماسىز ەتۋ. جاڭا اۆتوبۋستار وبلىستاعى سپورت ۇيىمدارىنىڭ ماتەريالدىق-تەحنيكالىق بازاسىن نىعايتىپ قانا قويماي، جاس سپورتشىلاردىڭ ۋاقىتىلى ءارى قاۋىپسىز تاسىمالىن قامتاماسىز ەتەدى.

سۋرەت: gov.kz سايتىنان الىندى.

سۋرەت: gov.kz سايتىنان الىندى.

اتىراۋ وبلىسى اكىمىنىڭ ورىنباسارى مارات مۋرزيەۆ سپورت ۇيىمدارىن جاڭا كولىكتەردىڭ بەرىلۋىمەن قۇتتىقتاپ، بۇل قادامنىڭ وڭىردەگى بۇقارالىق سپورتتى دامىتۋعا قوساتىن ۇلەسىن اتاپ ءوتتى.

سۋرەت: gov.kz سايتىنان الىندى.

سۋرەت: gov.kz سايتىنان الىندى.

- بۇگىنگى قۋانىشتى جاڭالىق – بالالارىمىز بەن جاسوسپىرىمدەرىمىزدىڭ سپورتپەن اينالىسۋىنا جاسالعان ناقتى قولداۋ. جاڭا اۆتوبۋستار سپورتشىلارىمىزدىڭ جارىستارعا، جاتتىعۋلارعا قاۋىپسىز ءارى دەر كەزىندە بارۋىنا مۇمكىندىك بەرەدى. بۇل – ءبىزدىڭ سپورتقا، ەڭ باستىسى، جاستاردىڭ بولاشاعىنا سالعان ينۆەستيتسيامىز. بارشا سپورت قاۋىمداستىعىن مەرەكەمەن قۇتتىقتايمىن، جەڭىستەرىڭىز كوپ بولسىن! – دەدى م.مۋرزيەۆ.

سۋرەت: gov.kz سايتىنان الىندى.

سۋرەت: gov.kz سايتىنان الىندى.

بۇگىندە وڭىردەگى 20 سپورتتىق ۇيىم جەڭىل كولىكپەن، گازەلدەرمەن جانە اۆتوبۋستارمەن قامتىلعان. ال جاڭادان الىناتىن اۆتوبۋستار تاسىمال قۇرالى جوق ورتالىقتارعا ۇلەستىرىلدى.

Abai.kz