مەملەكەت باسشىسىنىڭ جارلىعىمەن بولات ورالۇلى اقشولاقوۆ اتىراۋ وبلىسىنىڭ اكىمى لاۋازىمىنا تاعايىندالدى. بۇل تۋرالى اقوردا حابارلادى.

بولات اقشولاقوۆ 1971 جىلى اتىراۋ قالاسىندا دۇنيەگە كەلگەن.

ءبىلىمى:

1993 ج. – قازاق مەملەكەتتىك باسقارۋ اكادەمياسىن تامامداعان. ماماندىعى — ەكونوميست.

1998 ج. – مۇناي-گاز ونەركاسىپتىك ءبىلىم ورتالىعىندا «جەر قويناۋىن پايدالاۋنعا ارنالعان كەلسىمشارتتاردى باعالاۋ» جانە «مۇناي ءوندىرۋدىڭ ەكونوميكاسى» ماماندىعى بويىنشا ءبىلىم العان.

ەڭبەك جولى:

1994-1995 جج. – ەكونوميست، Alem Bank Kazakhstan باس ەكونوميسى.

1995-1997 جج. – ورتالىق ازيا ىنتىماقتاستىق جانە دامۋ بانكىنىڭ اكتيۆتەردى باسقارۋ ءبولىمىنىڭ مامانى، ءبولىم باستىعى، ديرەكتوردىڭ ورىنباسارى.

1997-2001 جج. – «قازاقويل» ۇك» جاق تەڭىز جوباسى بويىنشا اعا ساراپشى، مەنەدجەر، دەپارتامەنت ديرەكتورىنىڭ ورىنباسارى.

2001-2003 جج. – Commonwealth & British Services Ltd. بيزنەس-تالداۋشىسى، ستراتەگيالىق جوسپارلاۋ جونىندەگى مەنەدجەرى، قارجى ديرەكتورى.

2006-2008 جج. – «قازمۇنايگاز» ۇك» اق بك-دا ۇلەستى باسقارۋ جونىندەگى اتقارۋشى ديرەكتورى.

2006–2008 جج. - قازاقستان رەسپۋبليكاسىنىڭ ەنەرگەتيكا جانە مينەرالدى رەسۋرستار ۆيتسە-ءمينيسترى.

2008–2011 جج. — «سامۇرىق-قازىنا» ۇاق» اق باسقارۋشى ديرەكتورى.

2010 جىلدىڭ ماۋسىمى – 2011 جىلدىڭ قازانى – PSA جشس باس ديرەكتورى.

2011 جىلدىڭ قازان-جەلتوقسانى – «قازمۇنايگاز»ۇك» اق باسقارما توراعاسى.

2012 جىلدىڭ قاڭتارى – 2014 جىلدىڭ تامىزى – قر مۇناي جانە گاز ۆيتسە-ءمينيسترى.

2014 جىلدىڭ قىركۇيەگى – 2016 جىلدىڭ اقپانى – Almex Petrochemical جشس باس ديرەكتورى.

2016 جىلدىڭ اقپانى مەن 2017 جىلدىڭ قاراشاسى – 2016 جىلدىڭ اقپان ايىنان باستاپ — KAZENERGY قازاقستان مۇناي-گاز جانە ەنەرگەتيكا كەشەنى ۇيىمدارىنىڭ قاۋىمداستىعى» زاڭدى تۇلعالار بىرلەستىگىنىڭ باس ديرەكتورى. .

2017 جىلدىڭ 28 قاراشاسىنان – 2019 جىلدىڭ 4 ءساۋىرى ارالىعىندا – قازاقستان رەسپۋبليكاسى ەنەرگەتيكا ۆيتسە-ءمينيسترى.

2019 جىلدىڭ 4 ساۋىرىنەن - KAZENERGY قاۋىمداستىعىنىڭ باس ديرەكتورى.

2022 جىلعى 11 قاڭتاردا قازاقستان رەسپۋبليكاسىنىڭ ەنەرگەتيكا ءمينيسترى بولىپ تاعايىندالدى.

2023 جىلعى 4 ساۋىردە مەملەكەت باسشىسىنىڭ وكىمىمەن قازاقستان رەسپۋبليكاسى پرەزيدەنتىنىڭ كەڭەسشىسى لاۋازىمىنا تاعايىندالدى.

KAZENERGY قاۋىمداستىعىنىڭ توراعاسى (13.02.2025 باستاپ)

باسقا قىزمەتتەرى:

2006-2009 جج. – «قازمۇنايگاز» ۇك» اق ديرەكتورلار كەڭەسىنىڭ مۇشەسى.

2008 جىلدىڭ اقپان-قازانى – «قازاتومونەركاسىپ» ۇاك» اق ديرەكتورلار كەڭەسىنىڭ توراعاسى.

2009 جىلدىڭ اقپانى – 2010 جىلدىڭ ماۋسىمى – «قازاتومونەركاسىپ» ۇاك» اق جانە KEGOC اق ديرەكتورلار كەڭەسىنىڭ مۇشەسى.

2016 جىلدىڭ 9 قىركۇيەگىنەن – ازيا-تىنىق مۇحيت فەدەراتسياسى يۋنەسكو كلۋبتارىنىڭ پرەزيدەنتى.

مەملەكتتىك ناگرادالارى: «قۇرمەت» وردەنى.

Abai.kz