.png)
قازاقستان-قىتاي: تەمىرجول جۇگىن وتكىزۋ قابىلەتىن 25 ملن تونناعا ارتتىرماق
قازاقستان قىتايمەن اراداعى تەمىرجول جۇگىن وتكىزۋ قابىلەتىن 25 ميلليون تونناعا ارتتىرماق.
«قازاقستان تەمىر جولى» ۇك» اق باسقارما توراعاسى تالعات الدىبەرگەنوۆ ۇكىمەت وتىرىسىندا جاڭا تەمىرجول جەلىلەرىنىڭ قۇرىلىسى تۋرالى حابارلادى.
ول بيىل جاڭا تەمىرجول سالىنا باستاعانىن اتاپ ءوتتى. ولار:
* مويىنتى-قىزىلجار - 360 شاقىرىم.
* شىلدە ايىندا ۇزىندىعى 272 شاقىرىم بولاتىن باقتى-اياگوز جەلىسىن سالۋ بويىنشا كەلىسىمشارتقا قول قويىلدى.
«تامىز ايىنىڭ سوڭىنا دەيىن 220 ادام مەن 90 تەحنيكا جۇمىس ىستەيدى. كەيىن ونىڭ سانى ارتادى. بۇل قىتايمەن اراداعى وتكىزۋ قابىلەتتى 25 ميلليون تونناعا ارتتىرۋعا، ال 2030 جىلعا قاراي بارلىق ءۇش تۇيىسپەدە 100 ميلليون تونناعا دەيىن جەتكىزۋگە مۇمكىندىك بەرەدى. دوستىق – مويىنتىنىڭ بەلگىلى ءبىر ۋچاسكەلەرى كەزەڭ-كەزەڭمەن تاپسىرىلىپ جاتىر. وسى جول مەن الماتى اينالما جەلىسىن جىل سوڭىنا دەيىن پايدالانۋعا بەرەمىز. داربازا-ماقتاارال قۇرىلىسى كەستەگە ساي جۇرۋدە، ول كەلەسى جىلى اياقتالادى»، — دەپ قوستى تالعات الدىبەرگەنوۆ.
Abai.kz
