1 قىركۇيەكتەن باستاپ 1 قاراشاعا دەيىن قازاقستاندا حالىقتى مەديتسينالىق-سانيتاريالىق العاشقى كومەك (مساك) ۇيىمدارىنا بەكىتۋ جونىندەگى جىل سايىنعى ناۋقان وتۋدە.

سۋرەت: قر دەنساۋلىق ساقتاۋ مينيسترلىگىنىڭ تەلەگرام ارناسىنان الىندى.

بۇل نەنى بىلدىرەدى؟
تىركەۋ ەرەجەلەرىنە سايكەس وسى كەزەڭدە ازاماتتار ءبىر اكىمشىلىك-اۋماقتىق بىرلىك شەگىندە ەمحانانى تاڭداي الادى نەمەسە اۋىستىرا الادى. وسى كەزەڭدە تىركەۋگە ءوتىنىش بەرگەندەر الەۋمەتتىك مەديتسينالىق ساقتاندىرۋ قورىمەن شارت جاساسقان جاعدايدا كەلەسى جىلدىڭ 1 قاڭتارىنان باستاپ جاڭا ەمحانادا مەديتسينالىق كومەك الا الادى.

سۋرەت: قر دەنساۋلىق ساقتاۋ مينيسترلىگىنىڭ تەلەگرام ارناسىنان الىندى.

ەمحاناعا كىم تىركەلە الادى؟
• قازاقستان رەسپۋبليكاسىنىڭ ازاماتتارى;
• قر-دا تۇراقتى تۇراتىن شەتەلدىكتەر مەن ازاماتتىعى جوق ادامدار (تۇرۋعا ىقتيارحاتى بولعان جاعدايدا);
• ەرىكتى نەمەسە ەسەپتەلگەن مەديتسينالىق ساقتاندىرۋ شارتى بولعان كەزدە ەاەو ەلدەرىنەن (رەسەي، بەلارۋس، قىرعىزستان، ارمەنيا) ەڭبەك ميگرانتتارى مەن ولاردىڭ وتباسى مۇشەلەرى.

سۋرەت: قر دەنساۋلىق ساقتاۋ مينيسترلىگىنىڭ تەلەگرام ارناسىنان الىندى.

قالاي بەكىتىلۋگە بولادى؟
• پورتال ارقىلى eGov.kz (قىزمەت ونلاين رەجيمىندە قولجەتىمدى، قاراۋ مەرزىمى – 1 جۇمىس كۇنى);
• تاڭدالعان ەمحانادا جەكە ءوتىنىش بەرۋ ارقىلى.

سۋرەت: قر دەنساۋلىق ساقتاۋ مينيسترلىگىنىڭ تەلەگرام ارناسىنان الىندى.

ماڭىزدى: بۇرىنعى ەمحانادان شىعۋ اۆتوماتتى تۇردە جۇزەگە اسىرىلادى.

ءوز ەمحاناڭا قايتا بەكىتىلۋ كەرەك پە؟
جوق. ەگەر ءسىز مەديتسينالىق ۇيىمدى وزگەرتۋدى جوسپارلاماساڭىز، قايتا ءوتىنىش بەرۋدىڭ قاجەتى جوق.

وتباسى جانە بەكىتۋ
مساك كورسەتۋ وتباسىلىق باقىلاۋ قاعيداتتارىنا نەگىزدەلگەن، سوندىقتان بارلىق وتباسى مۇشەلەرىن ءبىر ۋچاسكەلىك دارىگەرگە بەكىتۋ ۇسىنىلادى. بۇل مەديتسينالىق قولداۋدىڭ ساپاسىن ارتتىرادى.

تۇرعىلىقتى جەرى بويىنشا ەمحانانى تاڭداۋعا بولا ما؟
قادامدىق قولجەتىمدىلىك شەگىندە (جاياۋ 15-20 مينۋت) بەكىتۋ ۇسىنىلادى. بۇل ۇيدە مەديتسينالىق كومەك كورسەتۋ ءۇشىن ماڭىزدى. جالپى، تىركەۋگە ءوز ەلدى مەكەنىنىڭ شەگىندە رۇقسات ەتىلەدى.

سۋرەت: قر دەنساۋلىق ساقتاۋ مينيسترلىگىنىڭ تەلەگرام ارناسىنان الىندى.

بەكىتۋدەن باس تارتۋ سەبەپتەرى:
• وتىنىشتە دۇرىس ەمەس دەرەكتەر;
• باسقا ەلدى مەكەندە تۇرۋ;
• ەمحانادا تىركەلگەن پاتسيەنتتەر ءليميتىنىڭ ارتۋى;
• بالانى تىركەۋگە ارنالعان قۇجاتتاردىڭ بولماۋى.

سۋرەت: قر دەنساۋلىق ساقتاۋ مينيسترلىگىنىڭ تەلەگرام ارناسىنان الىندى.

ءبىر ۋچاسكەگە بەكىتىلگەن حالىق سانىنىڭ نورماتيۆتەرى:
• جالپى پراكتيكا دارىگەرى - 1 700 ادامعا دەيىن;
• ۋچاسكەلىك تەراپەۆت - 2200 ەرەسەك ادامعا دەيىن;
• ۋچاسكەلىك پەدياتر - 0-6 جاستاعى 500 بالاعا دەيىن نەمەسە 0-14 جاستاعى 900 بالاعا دەيىن.

سۋرەت: قر دەنساۋلىق ساقتاۋ مينيسترلىگىنىڭ تەلەگرام ارناسىنان الىندى.

ناۋقاننان تىس ەمحانانى اۋىستىرۋعا بولا ما؟
ءيا. بۇل جىلىنا ءبىر رەت ەركىن تاڭداۋ قۇقىعىمەن، سونداي-اق مىناداي جاعدايدا مۇمكىن:
• تۇرعىلىقتى جەرىن، جۇمىسىن نەمەسە وقۋىن اۋىستىرۋ;
• باسقا ەلدى مەكەنگە كوشۋ;
• بۇرىنعى ەمحانانى تاراتۋ نەمەسە قايتا ۇيىمداستىرۋ.

بەكىتۋ ناۋقانىنا قانشا ەمحانا قاتىسادى ؟

بەكىتۋ ناۋقانىنا بارلىعى 694 مساك نىسانى قاتىسادى. جىل سايىن امبۋلاتوريالىق-ەمحانالىق كومەك كورسەتۋشىلەردىڭ سانى ارتىپ كەلەدى، بۇل حالىققا قادامدىق قولجەتىمدىلىكتە مەديتسينالىق كومەك كورسەتۋگە مۇمكىندىك بەرەدى.

سۋرەت: قر دەنساۋلىق ساقتاۋ مينيسترلىگىنىڭ تەلەگرام ارناسىنان الىندى.

Abai.kz