قازاقستاندا 2024 جىلى 6 مىڭعا جۋىق جۇمىس ورنى اشىلعان 45 ينۆەستيتسيالىق جوبا ىسكە قوسىلدى.

AMANAT پارتياسى فراكتسياسىنىڭ كەڭەيتىلگەن جيىنى بارىسىندا ولجاس بەكتەنوۆ ۇكىمەت ەلدىڭ ينۆەستيتسيالىق تارتىمدىلىعىن ارتتىرۋ بويىنشا جۇمىستى جالعاستىرىپ جاتقانىن اتاپ ءوتتى.

بيىل ءبىرىنشى توقساندا $6,6 ملرد تىكەلەي شەتەلدىك ينۆەستيتسيا تارتىلدى. بۇل – وتكەن جىلدىڭ سايكەس كەزەڭىمەن سالىستىرعاندا 6,2%-عا پايىزعا جوعارى.

نەگىزگى باعىتتار انىقتالدى:كومىر جانە مۇناي حيمياسى، ءداندى داقىلداردى تەرەڭ وڭدەۋ، سونداي-اق جابدىقتار ءوندىرىسى. اتالعان ءاربىر باعىت بويىنشا ءوڭىر اكىمدىكتەرى اۋماقتاردىڭ سالالىق ەرەكشەلىكتەرى مەن ينفراقۇرىلىمدىق دايىندىعىن ەسكەرە وتىرىپ، «ينۆەستيتسياعا تاپسىرىس» قالىپتاستىرادى.

«وتكەن جىلدىڭ وزىندە شەتەلدىك كاپيتالدىڭ قاتىسۋىمەن جالپى قۇنى $1,3 ملرد بولاتىن 45 جوبا ىسكە قوسىلىپ، 6 مىڭعا جۋىق جۇمىس ورنى اشىلدى. جالپىۇلتتىق پۋلدا شامامەن $144 ملرد-تى قۇرايتىن 1100-دەن استام جوبا بار»، — دەپ اتاپ ءوتتى ولجاس بەكتەنوۆ.

Abai.kz