ءماجىلىس دەپۋتاتى ەرلان سايروۆ دەپۋتاتتىق ساۋال جولداپ، باستاما كوتەردى.

"مەملەكەت باسشىسى قاسىم-جومارت توقاەۆتىڭ قازاقستان حالقىنا ارناعان جولداۋىندا جەر ماسەلەسىنە ەرەكشە نازار اۋدارىلدى. پرەزيدەنتتىڭ ايتۋىنشا، مەملەكەتكە قايتارىلعان اۋىل شارۋاشىلىعى جەرلەرىنىڭ باسىم بولىگى ءالى دە جاڭا يەلەرىنە بەرىلمەي، بوس تۇر.

«AMANAT» پارتياسىنىڭ دەرەگىنشە، 2022 جىلدان بەرى مەملەكەتكە 13,5 ميلليون گەكتار جەر قايتارىلعان. الايدا، ونىڭ تەك 6 ميلليون گەكتارى عانا قايتا بولىنگەن. وسىلايشا، 7,5 ميلليون گەكتار جەر پايدالانىلماي بوس قالسا، تاعى 82,9 ميلليون گەكتار جەر قورى ءتيىمدى يگەرىلمەي وتىر. بۇدان بولەك، ەل اۋماعىندا 29 ميلليون گەكتار جەر دەگراداتسياعا ۇشىراعان، ونىڭ ىشىندە 3 ميلليون گەكتارعا جۋىق جەر تۇزدانعان".

ونىڭ ايتۋىنشا، دەپۋتاتتار مۇنداي جاعدايدا جەر رەسۋرستارىن ءادىل ءبولۋ ءۇشىن ەڭ الدىمەن تسيفرلىق كارتا مەن جايىلىمدار كاداسترىن ازىرلەۋ قاجەت.

بۇل باستاما اۋىل تۇرعىندارىن جانە فەرمەرلەردى جەرمەن قامتاماسىز ەتۋگە، جەر قاتىناستارىنىڭ اشىقتىعىن ارتتىرۋعا مۇمكىندىك بەرەدى.

ونىڭ باستاماسىندا «AMANAT» فراكتسياسى ۇكىمەتكە ءۇش نەگىزگى ۇسىنىس جاسالعانى دا ايتىلدى:

1. الداعى كوكتەمگى ەگىس جۇمىستارىنا دەيىن بوس تۇرعان 7,5 ملن گەكتار جەردى اۋىل تۇرعىندارىنا ءادىل ءبولۋ.
2. جەر رەسۋرستارىنىڭ تسيفرلىق كارتاسى مەن جايىلىمدار كاداسترىن جەدەل ىسكە قوسۋ.
3. جەردىڭ ناقتى دەرەكتەرىن كاداسترلىق مالىمەتتەرمەن بىرىكتىرۋ.

وسىلايشا، پارتيا وكىلدەرىنىڭ ايتۋىنشا، بۇل شارالار جەردىڭ ءادىل ءبولىنۋىن، اۋىلداعى ەڭبەك ونىمدىلىگىن ارتتىرۋدى جانە ەلدىڭ ازىق-تۇلىك قاۋىپسىزدىگىن قامتاماسىز ەتۋدى كوزدەيدى.

Abai.kz