قاسىم-جومارت توقاەۆتىڭ توراعالىعىمەن كيبەرقاۋىپسىزدىكتى قامتاماسىز ەتۋ جانە ازاماتتارعا ارنالعان تسيفرلىق ورتانى قورعاۋ ماسەلەلەرى جونىندە قازاقستان رەسپۋبليكاسى قاۋىپسىزدىك كەڭەسىنىڭ وتىرىسى ءوتتى.

مەملەكەت باسشىسى جۋىرداعى جولداۋىندا قازاقستاندى تولىق تسيفرلىق مەملەكەتكە اينالدىرۋدى كوزدەيتىن مىندەت جۇكتەگەنىن ايتتى. بۇل ءۇشىن كەشەندى شارا قابىلداۋ، سونىڭ ىشىندە كيبەرقاۋىپسىزدىك سالاسىندا دا اۋقىمدى جۇمىس اتقارۋ قاجەت.

جيىن بارىسىندا قازىرگى زامانعى كيبەرقاتەرلەر مەن وعان قارسى ءىس-قيمىل ادىستەرى، اسا ماڭىزدى اقپاراتتىق ينفراقۇرىلىمدى قورعاۋ، كيبەرقاۋىپسىزدىك يندۋسترياسىن دامىتۋ جانە كادر دايارلاۋ جۇيەسىن جەتىلدىرۋ ماسەلەلەرى تالقىلاندى.

كەڭەستە تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى جاسلان ماديەۆ پەن ۇلتتىق قاۋىپسىزدىك كوميتەتىنىڭ توراعاسى ەرمەك ساعىمباەۆ بايانداما جاسادى.

پرەزيدەنت كيبەرقىلمىسپەن، سونىڭ ىشىندە كيبەرالاياقتىقپەن كۇرەستىڭ ماڭىزىنا توقتالدى. سونىمەن قاتار كيبەرقىلمىستاردى تەرگەۋگە قاتىساتىن مەملەكەتتىك ورگانداردىڭ قۇزىرەتىن ارتتىرۋ شارالارىنا باسا نازار اۋداردى.

بۇدان بولەك، قاسىم-جومارت توقاەۆ ازاماتتاردتوقاەۆىڭ جەكە دەرەكتەرىن قورعاۋدى جانە دەربەس مالىمەتتەردى تاراتقانى ءۇشىن بەرىلەتىن جازانى كۇشەيتۋدى باستى مىندەت رەتىندە اتادى. سونداي-اق كيبەرورتاداعى قاۋىپسىزدىك پەن جاۋاپتى ارەكەت قاعيداتتارىن حالىققا كەڭىنەن ءتۇسىندىرىپ، الدىن الۋ جۇمىستارىن كۇشەيتۋ قاجەت.

وتىرىس سوڭىندا مەملەكەت باسشىسى ستراتەگيالىق تاۋەكەلدەردى ازايتىپ، كيبەرقاۋىپسىزدىك ماسەلەلەرىن جۇيەلى تۇردە شەشۋ ماقساتىندا بىرقاتار شارا قابىلداۋدى تاپسىردى.

Abai.kz