Politico جازعانداي، رەسەي پرەزيدەنتى ۆلاديمير پۋتين ساياسي بولاشاعىن باتىسپەن تەكەتىرەسپەن بايلانىستىرعان. سوڭعى «ارانداتۋلار»، سونىڭ ىشىندە رەسەيلىك درونداردىڭ پولشا اۋە كەڭىستىگىنە كىرۋى، ماسكەۋدىڭ شيەلەنىستى باسەڭدەتپەيتىنىن كورسەتەدى.

اناليتيكتەردىڭ پىكىرىنشە، ۋكرايناداعى اۋىر شىعىندارعا قاراماستان، پۋتين «بەيبىت كەزەڭنىڭ پرەزيدەنتى» بولا المايدى. ونىڭ ماقساتى – ۋكراينانى باقىلاۋدا ۇستاپ قانا قويماي، ناتو-نىڭ السىزدىگىن كورسەتۋ. درون شابۋىلدارى سياقتى ارەكەتتەر اليانستىڭ رەاكتسياسىن سىناۋعا باعىتتالعان.

رەسەي ىشىندە پۋتين ءۇشىن باستى قىسىم – ۇلتشىلدار. سوندىقتان ول باتىسقا، اسىرەسە اقش پرەزيدەنتى ترامپقا، كيەۆپەن ءبىتىم جاسالسا دا ناتو-مەن تەكەتىرەس جالعاساتىنىن اڭعارتىپ وتىر.

ساراپشىلاردىڭ ايتۋىنشا، پۋتين «قازىر نەمەسە ەشقاشان» دەگەن ۇستانىممەن ارەكەت ەتۋدە. كرەملدىڭ بۇلىڭعىر تۇسىندىرمەلەرى – ناتو-عا قىسىم جاساۋ مەن ولاردىڭ دايىندىق دەڭگەيىن سىناۋ ءتاسىلى.

Abai.kz