سولتۇستىك قازاقستان وبلىسىندا ەسىل وزەنىندە بالىق اۋلاپ جۇرگەن قۇتقارۋشى مامونتقا تيەسىلى بولۋى مۇمكىن سۇيەكتى تاۋىپ الدى.

عالىمدار بۇل ولجانى سيرەك كەزدەسەتىن سەنساتسيا دەپ باعالاپ، وزەننىڭ تۇبىندە تۇتاس قاڭقا ساقتالعان بولۋى ىقتيمال ەكەنىن ايتىپ وتىر. جىلىكتىڭ ۇزىندىعى 1 مەتردەن اسادى، سالماعى 15 كەلىگە جۋىق.

سقۋ پروفەسسورى اناتولي پلەشاكوۆتىڭ اتۋىنشا، سۇيەكتى تجد قىزمەتكەرى اسەت شايكين تاپقان. ول بالىق اۋلاپ جۇرگەن كەزدە سۋدان شىعىپ تۇرعان الىپ سۇيەكتى بايقاپ، كەيىن سۋرەتىن عالىمدارعا جىبەرگەن. الدىن الا مالىمەت بويىنشا، بۇل — 150 مىڭ جىل بۇرىن تىرشىلىك ەتكەن مامونتتىڭ نەمەسە جۇندەس مۇيىزتۇمسىقتىڭ سۇيەگى. عالىمدار بۇل ماڭنان تولىق قاڭقا تابىلۋى مۇمكىن دەپ بولجام جاساپ وتىر.

Abai.kz