الماتى. 9 قازان. قازتاگ– الماتىدا ججم نارىعىنداعى داعدارىس ەكىنشى اپتا جالعاسۋدا. قازتاگ تىلشىلەرى الماتىنىڭ ءىرى ازس-تەرىندەگى ججم بارلىعىن جانە ونىڭ ساتۋ سۇلباسىن زەرتتەپ كورۋگە تالپىندى.

مىسالى، Royal Petrol-ءدىڭ ازس جەلىسىندە بەنزيندى باسشىلارىنىڭ بۇيرىعىمەن، تاڭعى 8-دەن باستاپ جانە ءبىر اۆتوكولىككە تەك 20 ل كولەمىندە ساتىلادى. ازس قىزمەتكەرلەرى ءاربىر بەكەتتىڭ جوعارعى وكتاندى بەنزين ساتۋىنىڭ نورماسى بارلىعىمەن تۇسىندىرەدى. مىسالى، اباي-ساين كوشەلەرىنىڭ قيىلىسىنداعى ازس، بۇيرىق بويىنشا ناقتى اقشاعا جوعارعى وكتاندى بەنزيننەن 500 ليتر ساتا الادى ەكەن. ەركىن ساۋدادا 80-ءشى بەنزين عانا بار.

بىراق Royal Petrol-ءدىڭ جارناماسىندا بارلىق بەنزيننىڭ بارلىعى كورسەتىلگەن. ءجۋرناليستىڭ – «ءتاۋىر بەنزين بار ما، جوق پا؟»، - دەگەن ساۋالىنا وپەراتورلار – بار، بىراق تالونمەن، -دەپ جاۋاپ بەرەدى. ال تالوندى الۋ ءۇشىن وپەراتور باس كەڭسەگە بارۋدى ۇسىنادى. ونىڭ ايتۋىنشا وندا تالون ەركىن جانە شەكتەۋسىز ساتىلادى.

Sinoil  جەلىسىنىڭ جارناماسىندا بنزين بار بولعانىمەن وپەراتورلار اۋىزشا «جوق» دەيدى. بىراق تالونىڭىز بولسا، بەنزين قۇيىپ بەرەدى. روزىباكيەۆ پەن ءال-فارابي كوشەلەرىنىڭ قيىلىسىنداعى ازس-تە، كۇزەتشىنىڭ قاسىندا تۇرعان ادام تۋرا سول جەردە 93-ءشى بەنزيننىڭ 20 ليترلىك تالىندارىن 2200 تەڭگەدەن ۇسىنىپ تۇر، ياعني ليترىنە 110 تەڭگەدەن.

Helios جەلىلەرىندە 93-ءشى بەنزين بۇرىنعىسىنشا 72 تەڭگەدەن ساتىلىپ جاتىر، بىراق كەزەك ۇلكەن.

الماتى. 9 قازان. قازتاگ– الماتىدا ججم نارىعىنداعى داعدارىس ەكىنشى اپتا جالعاسۋدا. قازتاگ تىلشىلەرى الماتىنىڭ ءىرى ازس-تەرىندەگى ججم بارلىعىن جانە ونىڭ ساتۋ سۇلباسىن زەرتتەپ كورۋگە تالپىندى.

مىسالى، Royal Petrol-ءدىڭ ازس جەلىسىندە بەنزيندى باسشىلارىنىڭ بۇيرىعىمەن، تاڭعى 8-دەن باستاپ جانە ءبىر اۆتوكولىككە تەك 20 ل كولەمىندە ساتىلادى. ازس قىزمەتكەرلەرى ءاربىر بەكەتتىڭ جوعارعى وكتاندى بەنزين ساتۋىنىڭ نورماسى بارلىعىمەن تۇسىندىرەدى. مىسالى، اباي-ساين كوشەلەرىنىڭ قيىلىسىنداعى ازس، بۇيرىق بويىنشا ناقتى اقشاعا جوعارعى وكتاندى بەنزيننەن 500 ليتر ساتا الادى ەكەن. ەركىن ساۋدادا 80-ءشى بەنزين عانا بار.

بىراق Royal Petrol-ءدىڭ جارناماسىندا بارلىق بەنزيننىڭ بارلىعى كورسەتىلگەن. ءجۋرناليستىڭ – «ءتاۋىر بەنزين بار ما، جوق پا؟»، - دەگەن ساۋالىنا وپەراتورلار – بار، بىراق تالونمەن، -دەپ جاۋاپ بەرەدى. ال تالوندى الۋ ءۇشىن وپەراتور باس كەڭسەگە بارۋدى ۇسىنادى. ونىڭ ايتۋىنشا وندا تالون ەركىن جانە شەكتەۋسىز ساتىلادى.

Sinoil  جەلىسىنىڭ جارناماسىندا بنزين بار بولعانىمەن وپەراتورلار اۋىزشا «جوق» دەيدى. بىراق تالونىڭىز بولسا، بەنزين قۇيىپ بەرەدى. روزىباكيەۆ پەن ءال-فارابي كوشەلەرىنىڭ قيىلىسىنداعى ازس-تە، كۇزەتشىنىڭ قاسىندا تۇرعان ادام تۋرا سول جەردە 93-ءشى بەنزيننىڭ 20 ليترلىك تالىندارىن 2200 تەڭگەدەن ۇسىنىپ تۇر، ياعني ليترىنە 110 تەڭگەدەن.

Helios جەلىلەرىندە 93-ءشى بەنزين بۇرىنعىسىنشا 72 تەڭگەدەن ساتىلىپ جاتىر، بىراق كەزەك ۇلكەن.

قازمۇنايگاز-دىڭ ازس-تەرىندە بەنزين جوق جانە بولمايدى، دەيدى وپەراتورلار. بۇل جۇيەدە ءبىر اپتادان بەرى بەنزين جوق كورىنەدى.

ۇساق ازس-تەردە كوپشىلىك سۇيەتىن 92 جانە 93-ءشى بەنزيندەر 94 نە 120 تەڭگەدەن ساتىلىپ جاتىر.

بۇرىن حابارلانعانداي، پرەمەر-مينيستر كارىم ءماسىموۆ 28-ءشى قىركۇيەكتە قر باسەكەلستىكتى قورعاۋ اگەنتتىگى مەن ايماق اكىمدەرىنە ججم مەن كومىر نارىعىنداعى باعانى الدىن الا كەلىسۋشىلىككە جول بەرمەۋ تۋرالى تاپسىرما بەرگەن.

ءسال كەيىن، 6-شى قازاندا، الماتى اكىمى احمەتجان ەسىموۆ قۇقىق قورعاۋ ورگاندارىنا ججم نارىعىنداعى قولدان جاسالعان دۇربەلەڭدى تۋدىرۋشىلاردى انىقتاۋعا تاپسىرما بەرگەن. قالا اكىمى ەنەرگەتيكا جانە مينەرالدى رەسۋرستار مينيسترلىگىنىڭ مالىمەتىنشە قالاعا بەنزين جەتكىلىكتى جەتكىزىلگەنىن ءمالىم ەتكەن.

مىسالى، باسەكەلەستىكتى قورعاۋ اگەنتتىگىنىڭ (بقا) مالىمەتىنشە، 2009 جىلدىڭ ماۋسىمىنىڭ اياعىندا «نارىقتاعى ۇلەسى 10%-دان اسپايتىن ۇساق ازس-تەردەگى باعانىڭ ازداپ كوتەرىلگەنى بايقالادى. قولدانىستاعى زاڭعا ساي، ەگەر نارىق سۋبەكتىسى دومينانت بولماسا، ونىڭ ءونىمىنىڭ باعاسى مەملەكەتتىك رەتتەۋگە جاتپايدى»، - دەلىنگەن اگەنتتىك حابارىندا.

قر بقا مالىمەتىنشە دومينانت-سۋبەكتىلەردىڭ ججم باعاسىن تابيعي مونوپوليالاردى رەتتەۋ اگەنتتىگى قاداعالاپ وتىرادى. الماتىدا 187-دەن استام ازس جۇمىس ىستەيدى. بقا مالىمەتىنشە Sinoil ( دوستىق ازس - جشس), گەليوس پەن قازمۇنايگاز (قمگ-الاتاۋ جشس) ازس جەلىلەرى ججم نارىعىنىڭ 65%-ىن جابادى.

ال بۇگىنگى كۇندەرى الماتى ءوڭىرىنىڭ ججم باعاسىن قاداعالاپ وتىراتىن مەملەكەتتىك اگەنتتىك باقىلاۋىنداعى كوپتەگەن ءىرى ازس-تەرىندە بەنزين نە جوق، نە ىرىكتەلىپ ساتىلۋدا.