تەرگەپ-تەكسەرۋگە قر ۇلتتىق ەكسپەديتورلار قاۋىمداستىعىنىڭ، قىرعىز رەسپۋبليكاسى ەكسپەديتورلار قاۋىمداستىعىنىڭ جانە بىرقاتار كولىك-ەكسپەديتورلىق كومپانيالارىنىڭ وتىنىشتەرى نەگىز بولعان.    

باسەكەلەستىكتى قورعاۋ جانە دامىتۋ اگەنتتىگىنىڭ استانا قالاسىنداعى دەپارتامەنتى "قتج-جۇك تاسىمالى" جشس-نە قاتىستى باسەكەلەستىكتى قورعاۋ تۋرالى زاڭنامانى بۇزۋ بەلگىلەرى بويىنشا تەرگەپ-تەكسەرۋدى اياقتادى.

تەرگەپ-تەكسەرۋ ناتيجەسىندە "قتج-جۇك تاسىمالى" جشس جۇك تاسىمالداۋ جوسپارلارىن كەلىسۋ بارىسىندا اففيليرلەنگەن كومپانيالارعا – "KTZ Express" اق جانە "كەدەنترانسسەرۆيس" اق-ىنا ارتىقشىلىق بەرىپ، جەكە ەكسپەديتورلىق ۇيىمداردىڭ قىزمەتىنە كەدەرگىلەر جاساعانى انىقتالدى.

اتالعان ارەكەتتەر "قتج-جۇك تاسىمالى" جشس تاراپىنان مونوپوليالىق جاعدايدى تەرىس پايدالانۋ رەتىندە باعالاندى.

استانا قالاسىنىڭ اكىمشىلىك قۇقىق بۇزۋشىلىق ىستەرى جونىندەگى مامانداندىرىلعان اۋدانارالىق سوتىنىڭ 2025 جىلعى 22 تامىزداعى شەشىمىمەن "قتج-جۇك تاسىمالى" جشس قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 159-بابى 3-1-بولىگى بويىنشا اكىمشىلىك جاۋاپكەرشىلىككە تارتىلىپ، مەملەكەت كىرىسىنە 1,42 ملرد تەڭگە ايىپپۇل تولەۋگە مىندەتتەلدى.

2025 جىلعى 15 قىركۇيەكتەگى استانا قالالىق سوتىنىڭ قاۋلىسىمەن ءبىرىنشى ساتىداعى سوتتىڭ شەشىمى وزگەرىسسىز قالدىرىلدى.

Abai.kz