ۇلتتىق ەكونوميكا ءبىرىنشى ۆيتسە-ءمينيسترى ازامات ءامرين ەكونوميكالىق قىزمەت تۇرلەرىنىڭ جالپى جىكتەۋىشىنىڭ جاڭارتىلعان ءتىزىمى 26 قىركۇيەكتە جاريالانۋى مۇمكىندىگىن ايتتى.

ايتۋىنشا، جاڭا تىزىمگە سايكەس، 2026 جىلدان باستاپ قاي قىزمەت تۇرلەرىنە ارنايى سالىق رەجيمىن جەڭىلدەتىلگەن دەكلاراتسيا نەگىزىندە قولدانۋعا رۇقسات ەتىلەتىنى نەمەسە تىيىم سالىناتىنى بەلگىلى بولادى.

جۇما كۇنى، ياعني 26 قىركۇيەكتە كۇنى ءبىز ونى legalacts.egov.kz پورتالىندا جاريالاۋعا تىرىسامىز. رەسمي ءباسپاسوز حابارلاماسى بولادى. «اشىق نقا» پورتالىندا كەز كەلگەن ازامات ءوز پىكىرىن، ۇسىنىسىن قالدىرا الادى نەمەسە «ءتىزىمدى كورسەتىڭىزدەر» دەپ سۇراي الادى. بۇدان بولەك، بۇل ءتىزىمدى ۇلتتىق ەكونوميكا مينيسترلىگىنىڭ سايتىندا دا ورنالاستىرامىز. ياعني ەرتەڭ نەمەسە كەلەسى اپتانىڭ باسىندا جاريالانادى، – دەپ ءتۇسىندىردى ازامات ءامرين سەناتتىڭ كۋلۋارىندا وتكەن ءباسپاسوز بريفينگىندە.

سونىمەن قاتار ۆيتسە-مينيستر جۋرناليستەردىڭ «قانداي قىزمەت تۇرلەرى تىزىمگە ەنىپ، قايسىسىنا تىيىم سالىنادى؟» دەگەن ساۋالىنا ناقتى جاۋاپ بەرە المادى.

قازىر بۇل جونىندە ناقتى ايتا المايمىن، ءتىزىم دايىن بولعانىن كۇتەيىك، – دەدى ۆيتسە-مينيستر.

بۇعان دەيىن ۆيتسە-مينيستر ققس ءوسىمى باعاعا قالاي اسەر ەتەتىنىن تۇسىندىرگەن ەدى.

Abai.kz