قاراعاندى وبلىسى «تازا قازاقستان» اكتسياسى اياسىندا وتكەن جالپىۇلتتىق سەنبىلىككە بەلسەندى تۇردە قاتىستى. ەكولوگيالىق شاراعا ءوڭىردىڭ شامامەن 30 مىڭ تۇرعىنى قاتىسىپ، 70 گەكتار اۋماق تازارتىلدى. بۇل كۇنى 10 مىڭ ءتۇپ اعاش ەگىلدى. جالپى، وبلىستا كەڭ اۋقىمدى كوگالداندىرۋ جۇمىستارى تۇراقتى تۇردە جالعاسۋدا.

https://www.gov.kz/

وبلىس اكىمى ەرماعانبەت بولەكپاەۆ قاراعاندى قالاسىنداعى ن. نازارباەۆ داڭعىلى بويىنداعى گۇلزاردا وتكەن اعاش ەگۋ جۇمىستارىنا قاتىستى.

بۇل اۋماقتاعى جاسىل جەلەك ەسكى بولعاندىقتان، ونى جاڭارتۋ تۋرالى شەشىم قابىلدانعان. جول بويىنا قاراعاش، ال گۇلزار ىشىنە قاراعاي كوشەتتەرى ەگىلۋدە.

– بۇگىن مەملەكەت باسشىسىنىڭ تاپسىرماسىنا سايكەس ەلىمىزدىڭ بارلىق ايماعىندا جالپىۇلتتىق سەنبىلىك وتۋدە. بۇل جۇمىستى جۇيەلى ءارى جوسپارلى تۇردە جالعاستىرامىز. وسى اكتسياعا بەلسەنە اتسالىسقان بارلىق تۇرعىندارعا العىسىمدى بىلدىرەمىن، – دەدى ەرماعانبەت بولەكپاەۆ.

نازارباەۆ داڭعىلىنداعى گۇزارعا وتاندىق تۇقىمباقتان اكەلىنگەن 50 ءتۇپ قاراعاي كوشەتى ەگىلدى. ولار بىلتىر ەگىلگەن جاسىل جەلەكتى تولىقتىردى.

جاستار رەسۋرستىق ورتالىعىنىڭ ۆولونتيورلەرى ءادىلجان سۇيىنۇكوۆ پەن جانسەرىك جۇمانوۆ ەكولوگيالىق اكتسيالارعا ۇنەمى قاتىسىپ كەلەدى.

– بۇگىن ءبىز سەنبىلىككە كوماندا بولىپ كەلدىك. وسى گۇلزاردا كەزىندە ءبىزدىڭ اتا-اجەلەرىمىز اعاش ەككەن ەدى، ەندى سول يگى ءىستى جالعاستىرۋ – ءبىزدىڭ پارىزىمىز، – دەيدى ەرىكتىلەر. – قاراعاندىنىڭ ءاردايىم جاسىل قالا بولىپ قالعانىن قالايمىز.

بۇگىنگى سەنبىلىك اياسىندا قاراعاندى قالاسىندا شامامەن 500 ءتۇپ اعاش ەگىلدى. قالادا كوگالداندىرۋ جۇمىستارى تۇراقتى تۇردە جۇرگىزىلۋدە. ونىڭ ىشىندە وتەمدىك (كومپەنساتسيالىق) اعاش ەگۋ شارالارى دا بار.

https://www.gov.kz/

كاسىپكەرلەر دە باستاما كوتەرىپ، وزدەرىنە قاراستى نىسانداردىڭ ماڭايىنا اعاش ەگىپ جاتىر.

قازىبەك بي اۋدانىندا كوكتەم مەزگىلىندە 1260 اعاش ەگىلسە، كۇزدە ولاردىڭ قاتارىنا تاعى 4 مىڭنان استام ءتۇپ قوسىلادى. ءاليحان بوكەيحان اۋدانىندا دا كوگالداندىرۋ جۇمىستارى جالعاسۋدا.

بيىل قاراعاندىدا جاڭا الما باعىنىڭ ىرگەتاسى قالاندى. قازىردىڭ وزىندە 3 500 ءتۇپ جابايى جانە جەمىس بەرەتىن الما اعاشى ەگىلدى، ال جۋىق ارادا ولاردىڭ سانى 5 000 تۇپكە دەيىن جەتپەك.

سونىمەن قاتار ساياباقتار مەن دەمالىس ايماقتارىن اباتتاندىرۋ جانە كوگالداندىرۋ جۇمىستارى دا قاتار جۇرگىزىلىپ جاتىر. 15-ماگيسترال بويىنا شامامەن 600 ءتۇپ قاراعاش ەگىلدى، ال جاقىن ارادا ولاردىڭ سانى 2 مىڭعا جەتەدى.

وتەمدىك اعاشتاردىڭ كۇتىمى ءۇش جىل بويى مەردىگەر ۇيىمداردىڭ باقىلاۋىندا بولادى. ولار كوشەتتەردىڭ جەرسىنۋى مەن ءوسۋ جاعدايىن تۇراقتى قاداعالايدى. ال الما باعى مەن گۇلزارلارداعى جانە ماگيسترال بويىنداعى جاڭا جاسىل جەلەكتىڭ كۇتىمىن ساياباقتار باسقارماسى جۇزەگە اسىرادى.

اكادەميك ا. س. ساگينوۆ اتىنداعى قاراعاندى تەحنيكالىق ۋنيۆەرسيتەتىنىڭ اۋماعىن ەندى 100 ءتۇپ جاپىراقتى اعاش – قايىڭ، شەتەن جانە الما اعاشتارى كورىكتەندىرەدى. دەمەۋشىلەردىڭ قولداۋىمەن مۇندا جاڭا جاسىل اللەيا بوي كوتەردى.

Home Credit Bank فيليالىنىڭ شاعىن جانە ورتا بيزنەستى دامىتۋ جونىندەگى ديرەكتورىنىڭ ورىنباسارى سامعات ايتجاننىڭ ايتۋىنشا، قاراعاندىدا ەكولوگيالىق ماسەلەلەرگە ايرىقشا نازار اۋدارۋ قاجەت. سوندىقتان قارجى ۇيىمى قالانى كوگالداندىرۋ ىسىنە ءوز ۇلەسىن قوسۋعا شەشىم قابىلداعان.

Abai.kz