مەملەكەتتىك كەڭەسشى ەرلان قارين ۇلتتىق قۇرىلتاي مۇشەلەرىمەن بىرگە «تازا قازاقستان» جالپىرەسپۋبليكالىق اكتسياسىنا قاتىستى.

https://www.akorda.kz/

بىلتىر مەملەكەت باسشىسىنىڭ باستاماسىمەن قولعا الىنعان اكتسيا بۇگىندە حالىقتىق سيپاتقا يە بولىپ وتىر.

مەملەكەتتىك كەڭەسشى مەن ۇلتتىق قۇرىلتاي مۇشەلەرى استانا جانە الماتى قالالارىندا اعاش وتىرعىزدى.

ۇلتتىق قۇرىلتاي مۇشەلەرى «تازا قازاقستان» اكتسياسىن قولداپ، بۇل باستامانىڭ قوعامدى بىرىكتىرۋدە ءارى ەكولوگيالىق مادەنيەتتى دامىتۋدا ماڭىزى زور ەكەنىن اتاپ ءوتتى. سونداي-اق ازاماتتاردى اكتسيانى قولداۋعا باعىتتالعان جوبالارعا بەلسەنە اتسالىسۋعا شاقىردى.

ەرلان قارين اكتسياعا قاتىسقان ۇلتتىق قۇرىلتاي مۇشەلەرىنە العىس ايتىپ، «تازا قازاقستان» باستاماسى ەلىمىزدىڭ يدەولوگيالىق پلاتفورماسىنىڭ ماڭىزدى قۇرامداس بولىگى ەكەنىن ەسكە سالدى.

سونىمەن قاتار مەملەكەتتىك كەڭەسشى اتالعان اكتسيا ەلىمىزگە، قورشاعان ورتاعا جاۋاپتى ءارى ۇقىپتى قاراۋعا شاقىراتىنىن، قوعامداعى ادەپ مادەنيەتىنە وڭ اسەر ەتەتىنىن جەتكىزدى.

وسىلايشا، «تازا قازاقستان» اكتسياسى جاڭا قوعامدىق ەتيكا مەن ادەپ مادەنيەتىن قالىپتاستىرۋدىڭ نەگىزىنە اينالدى.

Abai.kz