15 قازانعا جوسپارلانعان «رەسەي-اراب» ءسامميتى ماسكەۋدە وتپەيدى. ۆلاديمير ءپۋتيننىڭ اراب مەملەكەتتەرى ليگاسىنىڭ (امل) كوشباسشىلارىمەن كەزدەسۋىنەن ونىڭ نەگىزگى قاتىسۋشىلارى رەسەيگە ساپارلاۋدان ءۇزىلدى-كەسىلدى باس تارتقاننان كەيىن، ماسكەۋدىڭ ونى امالسىزدان  توقتاتۋىنا تۋرا كەلدى.

ارابتاردىڭ بۇل باس تارتۋى – ەركە بالانىڭ قىلىعى ەمەس، ەسى دۇرىس جانداردىڭ ستراتەگيالىق پايىمداۋلارىنىڭ ناتيجەسى بولىپ تابىلادى.

ماسكەۋ ءوزى قويماقشى بولعان سپەكتاكلىنە ساحنانى دايىنداپ جاتقاندا، اراب كوشباسشىلارى اق ءۇيدىڭ ىعىنا جىعىلۋدى ءجون دەپ تاپتى. سىرتقى ساياساتتىڭ وزگەرمەيتىن بيلەۋشىسى بولىپ سانالاتىن اقش ءوزىنىڭ قانشالىقتى سالماعى بار ەكەنىن تاعى دا ءبىر مارتە ورىستاردىڭ كوزىن باقىرايتىپ قويىپ دالەلدەدى. پارسى شىعاناعىنىڭ مونارحيالارى ءۇشىن ۆاشينگتون جاي عانا سەرىكتەس ەمەس، ولاردىڭ قاۋىپسىزدىگىنىڭ ساۋلەتشىسى جانە ەكونوميكالىق تۇراقتىلىقتىڭ كەپىلى بولىپ قالا بەرەدى.

اراب كوشباسشىلارى «سويىلعان تۇيەنىڭ ەتىن ۇلەستىرەتىن وتاعاسىنىڭ» قايدا ەكەنىن جاقسى تۇسىنەدى. 2025 جىلدىڭ قازان ايىندا ولار وزدەرىنىڭ تاڭداۋلارىن جاساپ: ديۆيدەندتەرى تۇسىنىكسىز، بىراق ەسى دۇرىس جان ۇعىناتىن قىل قيامەت تاۋەكەلدەرى بار ءپۋتيننىڭ گەوساياسي فانتاسماگوريالارىنىڭ تەڭ اۆتورلارىنان گورى، ترامپتىڭ كىشى سەرىكتەسى بولعاندارىن حوش كوردى.

Abai.kz