ۇلتتىق ەكونوميكا ۆيتسە-ءمينيسترى ازامات ءامريننىڭ ايتۋىنشا، جاڭا سالىق كودەكسى كۇشىنە ەنگەن سوڭ ەلىمىزدە شامامەن 300 مىڭ كومپانيا جابىلۋى ىقتيمال.

«بيزنەس جابىلادى، بۇل تۋرالى ءبىز الدىن الا ايتقانبىز. بىراق جابىلاتىندار – بۇرىن بيزنەستى ءبولىپ تاستاپ جۇمىس ىستەگەندەر. ەندى وندايعا زاڭدىق مۇمكىندىك بولمايدى»، - دەدى امرين.

ونىڭ سوزىنشە، بۇرىن كوپتەگەن كاسىپكەرلەر ققس (قوسىلعان قۇن سالىعى) تولەمەۋ ءۇشىن بىرنەشە كومپانيا اشىپ، تابىسىن ءبولىپ كورسەتەتىن.

«قازىر شەكتى مولشەر – 2 ملرد 350 ملن تەڭگە. ەگەر وسى سومادان اسپاساڭ، ققس تولەمەيسىڭ. سوندىقتان بىرنەشە كومپانيا اشۋدىڭ قاجەتى جوق، ءبارىن بىرىنە بىرىكتىرسە جەتكىلىكتى. سول سەبەپتى شامامەن 300 مىڭ كومپانيا جابىلادى. سەبەبى ولاردى ۇستاۋدىڭ ەندى ەش ماعىناسى قالمايدى – كاسىپكە اناعۇرلىم ءتيىمدى جاعداي جاسالىپ جاتىر»، - دەدى ۆيتسە-مينيستر.

Abai.kz