زامانىندا اۋعاننان كەلگەن 26 ادامنىڭ ازاماتتىعىن بىزدىكىلەر رەسمي تۇردە جويىپ تاستاعان ەكەن. مۇنداي سۇمدىقتى ەستىپپە ەدىڭىز؟

اۋعانستاننان 2016 جىلى ايدىن اتتى قازاق جىگىت ەلىمە، اتامەكەنىمە بارام دەپ قۇلشىنىپ قازاقستانعا كەلەدى، وقۋعا. الماتىداعى ءال فارابيگە دايىندىق كۋرسىنا ءتۇسىپ، سوسىن 2017 جىلى قاراعاندىداعى پوليتەح ۋنيۆەرىنە اقپاراتتىق جەلى سالاسى بويىنشا وقۋعا تۇسەدى. وقۋ ۆيزامەن جۇرەدى. سونىمەن نە كەرەك 2018 جىلى قانداس كۋالىگىن الادى، ايتا كەتەيىن، قۇجاتىندا ۇلتى قازاق دەگەن ءسوزى بولسا عانا قانداستىق بەرەدى. ونداي قاعاز بۇل جىگىتتە بار. ودان كەيىن ىقتيار حات الادى. ىقتيار حاتتان كەيىن رەسمي قازاقستان رەسپۋبليكاسىنىڭ ازاماتتىعىن الادى.

ازاماتتىق العاسىن اۋعانداعى، بەسىك قۇدا بوپ اتاستىرىلىپ قويعان ءوز بويجەتكەنىن نەكەگە الىپ، ارتىنان قازاقستانعا الىپ كەلەدى. ول قىزدىڭدا ۇلتى قازاق دەگەن انىقتاماسى بار. 2024 جىلى ۇلدى بولادى. ول اۆتوماتتى تۇردە قازاقستان رەسپۋبليكاسىنىڭ ازاماتى بولادى.

سودان كەيىن 2024 جىلدىڭ اياعىندا ايقاي باستالىپ، مىنالارعا ەش ەسكەرتپەستەن ازاماتتىقتى جويىپ تاستاعان. ونى بۇل، پەنسيونكىسى تۇسپەي قالعاسىن، بارىپ سۇراسا، سەنىڭ قۇجاتىڭ بازادا جوق. ياعني سەن قازاقستاندا تىركەلمەگەسىن دەيدى. سوسىن ادۆوكات الىپ، بارماعان جەرى باسپاعان تاۋى قالمايدى. سوتتاسادى. ءسويتىپ، قاراعاندىنىڭ، قازىبەك بي اۋدان ارالىق سوتىندا بۇلار ميگراتسيالىق پوليتسيا جانە اۋعانستانداعى قازاقستاننىڭ كونسۋلىن جەڭىپ شىعادى. سوت شەشىمى بويىنشا قالپىنا كەلۋ كەرەك. بىراق، ايىپتالۋشى تاراپ اپپەلياتسياعا بەرەدى، «قارعانىڭ كوزىن قارعا شوقىمايدى» دەمەكشى، وبلىستىق سوت اۋدانارالىق سوتتىڭ شەشىمىنىڭ كۇشىن ءاي-ءشايسىز، دالەل-دايەكسىز جويىپ تاستايدى.

ناتيجەسىندە ايدىن، ءالى كۇنگە دەيىن قازاقستانننىڭ ازاماتى ەمەس، نە اۋعان ازاماتى ەمەس. ورتادا قالىپ قالدى. دەگەنمەن اۋعانستان تارابى بۇل بالانىنىڭ قازاق ەكەنىن راستاپ، «اۋعان پاسپورتىن وتكىزگەن، ونداي ادام بىزدە ەندى جوق» دەگەن.

ەندى، مىنا ايدىندار نە ىستەرىن بىلمەي وتىر. 6 اي ۋاقىتى قالىپتى... ادۆوكات جالدايىن دەسە جاعدايى جوق..

ايدىن، ءجاي-ءپاي مالشى، اناۋ-مىناۋ ەمەس، قاراعاندىنىڭ «ناتيجە» اتتى ءسۇت فابريكاسىندا 2019 جىلدان بەرى رەسمي وپەراتور، ينجەنەر تەحنولوگ بولعان. 2024 جىلى قۇجاتى جويىلعاسىن جۇمىستان شىعىپ قالعان.

ەندى، ءدال وسىنداي ماسەلەمەن باقانداي 26 ادام ءجۇر ەكەن. ول 26 مىنا ايدىننىڭ بىلەتىنى. ال بىلمەيتىنى قانشاما؟

پاكىستاننان 300 قازاقتى الدىرامىز دەيمىز، وسى 26 نىڭ ماسەلەسىن شەشەيىكشى ءبىرىنشى كەزەكتە.

قۇرمەتتى، ەرلان كوشانوۆ مىرزا، جانە ءماجىلىس دەپۋتاتتارى. مىنا ىسكە نازار اۋدارىپ، ايدىنداردىڭ ازاماتتىعىن قايتارىپ بەرۋگە سەپ بولۋلارىڭىزدى سۇرايمىن.

قازاقتىڭ سانىن ارتتىرا الماي وتىرساق، مىناۋ نە سۇمدىق؟

بۋراحان داقانوۆ

Abai.kz