قازاقستان رەسپۋبليكاسىنىڭ وقۋ-اعارتۋ ءمينيسترى جۇلدىز سۇلەيمەنوۆا ءبىلىم بەرۋ سالاسىنداعى وزەكتى ماسەلەلەرگە ارنالعان رەسپۋبليكالىق كەڭەستە «ماقساتتى مەكتەپ» جوباسىنىڭ توقتاتىلعانىن مالىمدەدى.

جيىنعا وڭىرلىك جانە اۋداندىق ءبىلىم باسقارمالارى مەن بولىمدەردىڭ باسشىلارى، سونداي-اق اۋماقتىق ءبىلىم ساپاسىن قامتاماسىز ەتۋ دەپارتامەنتتەرىنىڭ وكىلدەرى قاتىستى.

مينيستر ەلىمىزدە بالالار ءۇشىن قاۋىپسىز جانە قولايلى وقۋ ورتاسىن قالىپتاستىرۋ باعىتىندا اۋقىمدى جۇمىستار اتقارىلىپ جاتقانىن ايتتى. ونىڭ ىشىندە مەكتەپ ينفراقۇرىلىمىن جاڭعىرتۋ، ءبىلىم مازمۇنىن جەتىلدىرۋ جانە ۇستازداردىڭ مارتەبەسىن ارتتىرۋعا ەرەكشە نازار اۋدارىلۋدا.

Abai.kz