2026 جىلعى 1 قاڭتاردان باستاپ مىندەتتى الەۋمەتتىك مەديتسينالىق ساقتاندىرۋ ء(مامس) پاكەتىنە وزگەرىس ەنەدى، دەپ حابارلايدى BAQ.KZ.

ەندى ول پاكەتكە كەلەسۋ اۋرالار كىرمەك:

• قانت ديابەتى;
• بالالاردىڭ تسەرەبرالدى سال اۋرۋى;
• دانەكەر ءتىننىڭ جۇيەلىك زاقىمدانۋى;
• رەۆماتيزم.

بۇل رەتتە مەديتسينالىق كومەكتىڭ كولەمى قىسقارمايدى، تەك قارجىلاندىرۋ كوزى عانا وزگەرەدى. بارلىق ساقتاندىرىلعان پاتسيەنت ءمامس جۇيەسى شەڭبەرىندە ەمدەۋدى، كونسۋلتاتسيا مەن ءدارى-دەرمەكتەردى تەگىن الۋدى جالعاستىرادى.

العاش رەت بارلىق الەۋمەتتىك ءمانى بار اۋرۋلاردىڭ باستاپقى دياگنوستيكاسى ساقتاندىرۋ مارتەبەسىنە قاراماستان، تمككك شەڭبەرىندە جۇرگىزىلەتىن بولادى. بۇعان دەيىن بۇل تەك ايتۆ ينفەكتسياسى جەنە تۋبەركۋلەزبەن اۋىراتىن پاتسيەنتتەرگە قاتىستى. بۇل اۋرۋلاردى ەرتە انىقتاۋدى جانە ەمدەۋدى ۋاقتىلى باستاۋدى قامتاماسىز ەتەدى. بۇل – دەنساۋلىقتى ساقتاۋدىڭ نەگىزگى فاكتورى.

مەملەكەت، بۇرىنعىداي، ازاماتتاردىڭ جەڭىلدەتىلگەن ساناتتارىنا قاتىستى بارلىق كەپىلدىكتەردى ساقتايدى. ولاردىڭ اراسىندا بالالار، جۇكتى ايەلدەر، زەينەتكەرلەر، ستۋدەنت، مۇگەدەكتەر، جۇمىسسىزدار جانە باسقالار بار. بارلىعى – 11 ميلليوننان استام قازاقستاندىق. سونىڭ ىشىندە مەملەكەت ەسەبىنەن ساقتاندىرىلعان جانە مەديتسينالىق كومەكتى تەگىن الۋدى جالعاستىراتىن بالالاردىڭ تسەرەبرالدى سال اۋرۋمەن اۋىراتىن بارلىق پاتسيەنت بار.

دەنساۋلىق ساقتاۋ مينيسترلىگى الەۋمەتتىك ءمانى بار اۋرۋلاردىڭ تىزبەسىن جاڭارتۋ كومەكتى قىسقارتۋ ەمەس، قارجىلاندىرۋ تەتىكتەرىن جەتىلدىرۋ جانە ەڭ وسال پاتسيەنت ءۇشىن كەپىلدىكتەردى كۇشەيتۋ ەكەنىن اتاپ كورسەتەدى. ساقتاندىرۋ جارنالارى جەرگىلىكتى اتقارۋشى ورگاندار ەسەبىنەن تولەنەتىن ازاماتتاردىڭ الەۋمەتتىك وسال ساناتتارىن (د جانە ە ساناتتارى) ساقتاندىرۋدى قارجىلىق قامتاماسىز ەتاگە ەرەكشە نازار اۋدارىلاتىن بولادى.

2026 جىلعى 1 قاڭتاردان باستاپ قازاقستاندا الەۋمەتتىك ءمانى بار اۋرۋلاردىڭ ء(اما) جاڭارتىلعان تىزبەسى كۇشىنە ەنەدى.

Abai.kz