«تاجيكتەلەكوم» كومپانياسى Oriz دەپ اتالاتىن ۇلتتىق مەسسەندجەر قوسىمشاسىن جاساپ شىعاردى، دەپ حابارلايدى Kazinform اگەنتتىگىنىڭ مەنشىكتى ءتىلشىسى.

تاجىكستان ۇكىمەتى جانىنداعى بايلانىس قىزمەتىنىڭ مالىمەتىنشە، زاماناۋي قوسىمشا ەل ازاماتتارى، شەتەلدەگى وتانداستار جانە بارلىق ينتەرنەت پايدالانۋشى اراسىندا ىڭعايلى، جوعارى ساپالى جانە قاۋىپسىز بايلانىستى قامتاماسىز ەتۋ ءۇشىن جاسالعان. ونىڭ ماقساتى – سەنىمدى تسيفرلىق ورتا قۇرۋ.

– ORIZ-ءدىڭ باستى ارتىقشىلىقتارىنىڭ ءبىرى – ونىڭ تومەن ينتەرنەت جىلدامدىعىنداعى تيىمدىلىگى. سەرۆەرلەر مەن دەرەكتەر ورتالىعى ەل ىشىندە ورنالاسقاندىقتان، پايدالانۋشىلار ءالسىز بايلانىس كەزىندە دە حابارلامالار جىبەرىپ، قوڭىراۋ شالىپ جانە بەينەكونفەرەنتسيا وتكىزە الادى، - دەپ حابارلايدى اگەنتتىك.

ازىرلەۋشىلەر كەيىنگى جىلدارى الەمدە شەتەلدىك پلاتفورمالارعا قول جەتكىزۋ شەكتەلگەندىكتەن مىڭداعان تاجىك ميگرانتتارى وتباسىلارىمەن بايلانىس ورناتۋدا قيىندىقتارعا تاپ بولعانىن اتاپ ءوتتى.

Abai.kz