قر پارلامەنتى سەناتىنىڭ وتىرىسىندا سەنات دەپۋتاتى سۇلتانبەك ماكەجانوۆ پرەمەر-مينيستر ولجاس بەكتەنوۆكە ۇكىمەتتىڭ بيۋدجەت شىعىستارىن وڭتايلاندىرۋ جانە باسىمدىق بەرۋ شارالارىنا قاتىستى سۇراقتار قويدى. پرەمەر-مينيستر بۇگىنگى تاڭدا مەملەكەتتىك قارىز دەڭگەيى ءجىو-ءنىڭ 23,6%-ىن قۇرايتىنىن اتاپ ءوتتى.

جالپىعا بىردەي تانىلعان الەمدىك ادىسناماعا سايكەس، مەملەكەتتىك قارىزدىڭ بۇل دەڭگەيى تومەن دەپ سانالادى. مىسالى، كوپتەگەن دامىعان ەلدەردە بۇل كورسەتكىش ءجىو-مەن سالىستىرعاندا 50%-دان، 80%-دان جانە ءتىپتى جەكەلەگەن مەملەكەتتەردە 100%-دان اسادى.

«مەن بۇلاي جاساۋعا شاقىرىپ وتىرعان جوقپىن. كەرىسىنشە، قازاقستاننىڭ مەملەكەتتىك قارىزىنىڭ دەڭگەيى تومەن بولۋى ءتيىس دەپ ەسەپتەيمىن، ۇكىمەت تە وسى باعىتا جۇمىس ىستەۋدە. حالىقارالىق قارجى ۇيىمدارى، اتاپ ايتقاندا، بەلگىلى رەيتينگتىك اگەنتتىكتەر تاراپىنان باعا بەرىلۋى مەملەكەتتىك قارىزدىڭ قولايلى دەڭگەيدە ەكەنىن راستايدى. "ۇلكەن ۇشتىك" دەپ اتالىپ جۇرگەن Fitch, Moody's جانە S&P اگەنتتىكتەرى ءبىزدى جاقسى باعالاۋدا. ەلىمىزدىڭ ينۆەستيتسيالىق رەيتينگى – ايماقتا جالعىز كورسەتكىش. قارجىلىق ورنىقتىلىعىمىز دا ءبىزدىڭ ويىمىزشا، جامان ەمەس. بۇل ءوز كەزەگىندە بىزگە ءتيىمدى شارتتارمەن سىرتتان قارىزدار تارتۋعا مۇمكىندىك بەرەدى. مىسالى، قازان ايىنىڭ سوڭىندا ءبىز ەۋروبوندتاردى 4,4%-بەن ورنالاستىردىق. بۇل حالىقارالىق ينۆەستورلاردىڭ قازاقستانعا سەنىپ، وسىنداي پايىزبەن اقشا سالاتىنىنىڭ جاقسى كورسەتكىشى»، — دەپ اتاپ ءوتتى ولجاس بەكتەنوۆ.

Abai.kz