The Telegraph باسىلىمى ەو ازىرلەگەن بەيبىتشىلىك كەلىسىمىن جاريالادى. ول 24 تارماقتان تۇرادى.

نە جازىلعان، قاراڭىزدار:

1) سوعىستى دەرەۋ توقتاتۋ، شابۋىلدىڭ قايتالانباۋى ءۇشىن كەپىلدىك بەرەتىن كەلىسىم جاساسۋ. بۇل كەلىسۋم تۇراقتى دا قاۋىپسىز بەيبىتشىلىكتى ورناتۋعا نەگىز بولادى.

2) قوس تاراپ تا اۋەدە، جەردە جانە تەڭىزدە ەش تالقىسىز جانە داۋسىز ۇرىستى توقتاتادى جانە ۇرىستى توقتاتۋ رەجيمىن قاتاڭ ساقتايدى.

3) قوس تاراپ تا ۇرىستى توقتاتۋ رەجيمىن باقىلايتىن مونيتورينگ توبىن قۇرۋ بويىنشا كەلىسسوزدەردى دەرەۋ باستايدى. مونيتورينگكە اقش پەن ەۋروپا ەلدەرى قاتىسادى.

4) ۇرىستى توقتاتۋ بويىنشا مونيتورينگكە جاۋاپتى حالىقارالىق توپتى اقش باسقارادى جانە باقىلايدى. مونيتورينگ جەردە جانە سپۋتنيكتىك باقىلاۋ ارقىلى عارىشتان جاسالادى.

5) تاراپ ار ءبىر-ءبىرىنىڭ ۇرىستى توقتاتۋ رەجيمىن بۇزعان-بۇزباعانى جايلى جەدەل اقپارات الىپ، تاراتۋ ءۇشىن ارنايى ورتاق مەحانيزم ازىرلەنەدى. سول ارقىلى جاعدايدى رەتتەپ، باسقارىپ وتىرۋعا مۇمكىنجىك جاسالادى.

6) رەسەي ۋكراينادان الىپ كەتكەن بارلىق بالالاردى تولىق قايتارادى. بۇعان حالىقارالىق ميسسيا باقىلاۋشىلىق جاسايدى، ىسكە اسىرۋعا اتسالىسادى.

7) قوس تاراپ “بارلىعىنا بارلىعى” فورماتىندا اسكەري تۇتقىندار الماسادى. رەسەي تۇتقىنعا الىنعان بارلىق قاراپايىم ادامداردى قايتارادى.

8)ۇرىستى توقتاتۋ رەجيمى تۇراقتى ورناتىلعان سوڭ، تاراپتار گۋمانيتارلىق كومەك بەرۋ جۇمىستارىن ۇيىمداستىرادى. سونىڭ ىشىندە بولىنگەن وتباسىلار مەن تۋعان-تۋىستار شەكارا سىزىعىندا قاۋىشادى (اركىمنىڭ قالاۋى بويىنشا).

9) ۋكراينا ەگەمەندىگى قۇرمەتتەلەدى جانە راستالادى. ۋكراينا نەيتراليتەت ساقتاۋعا مىندەتتەلمەيدى.

10) بولاشاق قانداي دا ءبىر اگرەسسيانىڭ الدىن الۋ ءۇشىن ۋكرايناعا زاڭدى قاۋىپسىزدىك كەپىلدىگى بەرىلەدى. ول ناتو-نىڭ 5-ءشى كەلىسىمى سەكىلدى كەپىلدىك بولۋى كەرەك. كەپىلدىك بەرۋشى - اقش پەن ەو.

11) ۋكرايناعا اسكەري ءوندىرىس، حالىقارالىق بىرلەسكەن اسكەري ءوندىرىس پەن ارىپتەستىك جانە اسكەر سانى مەن قارۋ-جاراق تۇرلەرى بوينىشا ەشقانداي شەكتەۋ قويىلمايدى.

12) كەپىلدىك بەرۋشى مەملەكەتتەر ارنايا ەۋروپالىق جانە ەۋروپالىق ەمەس ەلدەردەن ارنايى توپ قۇرادى. ال ۋكراينا ءوز اۋماعىندا قاي ەلدەردىڭ اسكەري ميسسيالارىنىڭ بولۋى كەرەكتىگىن نەمەسە بولماۋى كەرەكتىگىن ءوزى شەشەدى.

13) ۋكراينانىڭ ناتو-عا قوسىلۋ-قوسىلماۋى تۋرالى ناقتى شەشىمدى اليانس ءوز ىشىندە شەشەدى. ەگەر ءبىراۋىزدى قولداۋ بولسا قابىلدانادى، بولماسا قابىلدانبايدى.

14) ۋكراينا ەو مۇشەسى بولادى.

15) ۋكراينا يادرولىق قارۋعا يە بولمايدى جانە سونداي مىندەتتەمە ارقالايدى.

16) تەرريتوري ماسەلەسى ۇرىس قيمىلدارى داۋسىز جانە تولىق توقتاتىلعاننان سوڭ عانا تالقىلانادى.

17) تەرريتوريا تۋرالى كەلىسسوزدەر قازىرگى مايدان سىزىعىنان باستالادى.

18) تەرريتوريا بويىنشا كەلىسىمگە كەلگە سوڭ، قوس تاراپ كەلىسىمدى وزدىگىنەن بۇزباۋعا مىندەتتەمە الادى.

19) زاپوروج اەس-ءى ۋكرايناعا بەرىلەدى، بىراق ونى اقش باقىلايدى. سونداي-اق، كاحوۆ سەس-ءى ۋكرايناعا تولىق بەرىلىپ، جاڭارتىلادى.

20) ۋكراينا دنەپر سۋلارىمەن ەمىن-ەركىن جۇزۋگە مۇمكىندىك الادى. كينبۋرن ايماعى ۋكراينا باقىلاۋىنا وتەدى.

21) ۋكراينا مەن ارىپتەستەرى ءوزارا ەش شەكتەۋسىز ەكونوميكالىق بايلانىستارىن جالعاستىرادى.

22) ۋكراينا تولىق قالپىنا كەلتىرىلەدى جانە وتەماقى الادى. سونىڭ ىشىندە رەسەيدىڭ بۇعاتتالعان اكتيۆتەرى ەسەبىنەن.

23) 2014 جىلدان باستاپ رەسەيگە سالىنعان سانكتسيالار بىرتىندەپ الىنا باستايدى. ال رەسەي كەلىسىمدى بۇزسا، سانكتسيا قايتا كۇشىنە ەنەدى.

24) ەۋروپالىق قاۋىپسىزدىك ارحيتەكتۋراسى بويىنشا بولەك كەلىسسوزدەر باستالادى. وعان ەىقۇ-عا مۇشە ەلدەر تۇگەل قاتىسا الادى.

تۇزدىق: قازىر جەنەۆادا اقش پەن ۋكراينانىڭ ەرماك پەن رۋبيو باستاعان وكىلدەرى ترامپتىڭ بەيبىتشىلىك جوسپارى بويىنشا كەلىسسوزدەر وتكىزۋدە. جانە قوس تاراپ كەلىسسوزدەردىڭ جاقسى ءوتىپ جاتقانىن، ءبىرسىپىرا ماسەلە بويىنشا ورتاق شەشىم تاپقانىن، تۇزەتۋلەر جاسالاتىنىن حابارلادى.

Abai.kz