تاريحتا العاش رەت قازاقستاندىق حالىقارالىق سپورت فەدەراتسياسىن باسقارادى.

ريمدە وتكەن كونگرەسس بارىسىندا گەننادي گولوۆكين رەسمي تۇردە World Boxing ۇيىمىنىڭ پرەزيدەنتى بولىپ سايلاندى. ونىڭ وكىلەتتىلىگى ءۇش جىلعا سوزىلادى.

ايتا كەتەيىك، World Boxing - 2023 جىلدىڭ ساۋىرىندە قۇرىلعان حالىقارالىق بوكس فەدەراتسياسى.

2024 جىلدىڭ قىركۇيەگىندە گەننادي گولوۆكين ۇيىمنىڭ جاڭا وليمپيادالىق كوميسسياسىنىڭ توراعاسى بولدى. 2025 جىلدىڭ اقپانىندا حالىقارالىق وليمپيادالىق كوميتەت World Boxing ۇيىمىن ۋاقىتشا مويىنداپ، وعان بوكستى الەمدىك دەڭگەيدە باسقارۋ قۇقىعىن تاپسىردى.

ال ناۋرىز ايىندا حوك بوكس سپورتىن 2028 جىلعى لوس-اندجەلەس وليمپياداسىنىڭ باعدارلاماسىنا رەسمي تۇردە ەنگىزۋ تۋرالى شەشىم قابىلدادى.

Abai.kz