ۇجىمدىق قاۋىپسىزدىك تۋرالى شارت ۇيىمىنىڭ (ۇقشۇ) باس حاتشىسى يمانعالي تاسماعامبەتوۆتىڭ وكىلەتتىك مەرزىمى اياقتالىپ كەلەدى. 27 جەلتوقساندا بىشكەكتە ۇيىمعا مۇشە مەملەكەتتەر ونىڭ ورنىنا جاڭا ۇمىتكەردى قاراستىرادى، دەپ حابارلايدى Qaz365.kz.

جيىندا بىرقاتار ماڭىزدى ماسەلە تالقىلانباق: ەسىرتكى ترافيگىمەن جانە زاڭسىز كوشى-قونمەن كۇرەس، ايماقتىق قاۋىپسىزدىك، سونداي-اق رەسەي 2026 جىلى توراعالىق ەتەتىن كەزەڭگە ارنالعان باسىمدىقتار. كەزدەسۋ قورىتىندىسى بويىنشا مۇشە ەلدەر قاۋىپسىزدىك سالاسىنداعى ورتاق ۇستانىمداردى قامتيتىن دەكلاراتسيا قابىلدايدى.

تاسماعامبەتوۆتىڭ مانسابى مەن قىزمەتى
قازاقستاننىڭ بۇرىنعى پرەمەر-ءمينيسترى، قورعانىس ءمينيسترى جانە ەكى استانانىڭ (استانا مەن الماتى) اكىمى بولعان يمانعالي تاسماعامبەتوۆ 2023 جىلى ودكب باس حاتشىسى قىزمەتىنە تاعايىندالعان ەدى. ونىڭ بۇل قىزمەتكە كەلۋى كەزىندە ءارتۇرلى پىكىر تۋعىزعان بولاتىن.

داۋ تۋدىرعان مالىمدەمەلەر
بيىل كوكتەمدە تاسماعامبەتوۆ رەسەيدىڭ اقپارات قۇرالدارىنا بەرگەن سۇحباتىندا ۋكرايناداعى سوعىسقا قاتىستى مالىمدەمەسى ءۇشىن قازاقستان قوعامىندا سىنعا ۇشىرادى. كەيىن ول ءوز ءسوزىنىڭ بۇرمالانعانىن ايتىپ، «ەشقانداي ەلدىڭ مۇددەسىن قورعاپ جۇرگەن جوقپىن» دەپ تۇسىنىكتەمە بەرگەن.

ۇقشۇ باس حاتشىلىعىنا جاڭا كانديداتۋرا جىل سوڭىنا دەيىن كەلىسىلىپ، ۇيىم مۇشەلەرىنىڭ ورتاق شەشىمىمەن بەكىتىلەدى.

Abai.kz