استانا قالاسىنداعى “ازىرەت سۇلتان” مەشىتىندە قازاقستان مۇسىلماندارى ءدىني باسقارماسىنىڭ ۇيىمداستىرۋىمەن ءى رەسپۋبليكالىق “ۇزدىك يمام” ينتەللەكتۋالدى ءبىلىم سايىسى ءوتتى.

ماراپاتتاۋ راسىمىندە باس ءمۇفتي ناۋرىزباي قاجى تاعانۇلى سايىستىڭ ماڭىزدىلىعىنا توقتالدى.

يمام – مەشىت قىزمەتكەرى عانا ەمەس، قوعامنىڭ رۋحاني تىرەگى، ۇلتتىق تاربيەنىڭ، ەل تىنىشتىعى مەن ۇلت بىرلىگىنىڭ ۇيىتقىسى. بۇگىنگى ءبىلىم سايىسى ءاربىر يمامنىڭ ءوز الەۋەتىن كورسەتىپ، ءبىلىمىن شىڭداپ، تاجىريبەسىن بايىتۋىنا ۇلكەن مۇمكىندىك تۋعىزدى دەپ ەسەپتەيمىن. ءبىلىم سايىسىنا ەلىمىزدىڭ ءار وبلىسىنان ىرىكتەلىپ كەلگەن ەڭ ۇزدىك يمامدار وزدەرىنىڭ ءبىلىمى مەن پاراساتىن پاش ەتتى. سوندىقتان وسى سايىسقا قاتىسقان ءاربىر يمام جەڭىمپاز اتاندى دەپ سانايمىن، – دەدى باس ءمۇفتي.

ول يمامدار اراسىنداعى بۇل جارىس جىل سايىن جاڭا دەڭگەيدە ۇيىمداستىرىلىپ، داستۇرگە اينالاتىنىنا سەنىم ءبىلدىردى.

ادىلقازىلار القاسىنىڭ شەشىمىمەن ءى رەسپۋبليكالىق “ۇزدىك يمام” ينتەللەكتۋالدى ءبىلىم سايىسىنىڭ جۇلدەگەرلەرى:

I ورىن: بەكزات ازاتبەكۇلى قۇسانباەۆ – شقو، وسكەمەن قالالىق ورتالىق مەشىتىنىڭ نايب يمامى;

II ورىن: نۇرلان مۇرات – جامبىل وبلىستىق “ھيباتۋللا تاراز” مەشىتىنىڭ نايب يمامى;

III ورىن: قۋانىش توقسانبايۇلى ابىشەۆ – الماتى قالالىق ورتالىق مەشىتىنىڭ نايب يمامى.

جۇلدەگەرلەر ءۇشىن جۇلدە قورى 500, 400, 300 مىڭ تەڭگەدەن بولسا، جارىسقا قاتىسقان يمامدارعا 50 مىڭ تەڭگەدەن ىنتالاندىرۋ سىيلىعى بەرىلدى.

Abai.kz