ءبىرىنشى ءبولىم: «ادىلەتقيسسا»: جاسارال قۋانىشالى، حاسەن قوجاحمەت

ەكىنشى ءبولىم: «ادىلەتقيسسا»: اي̆سۇلۋ قادىرباەۆا، دوس كوشىم

بەلگىلى قوعام قايراتكەرى، «ازات» قوزعالىسىنىڭ بەلدى باسشىلارىنىڭ ءبىرى، ساياساتشى ساعات ءجۇسىپتىڭ 2010 جىلى جارىق كورگەن «ادىلەتقيسسا» كىتابىنان ۇزىندىلەر جاريالاماقپىز...

سۋرەت: س.ەرعاليدىڭ مۇراعاتىنان الىندى.

ساعات ءجۇسىپ:

قازاقتىڭ تانىمال ساياسي تۇلعالارى جونىندە قىسقاشا، ءۇستىرت كوزبەن جازىلعان وسى پاي̆ىمداۋلارىمدى تەك قانا جاقسى نيەتپەن، ىقىلاستى سەزىممەن جازعانىمدى اي̆تقىم كەلەدى.

سۋرەت: wikipedia.org سايتىنان الىندى.

ۆلاديمير كوزلوۆ تۋرالى

كەي̆بىر اداممەن تەز شۇي̆ىركەلەەسىڭ، تەز دوس بولاسىڭ. ونداي̆ كىسىلەر از ۋاقىتتا ءوزىنىڭ بارلىق جاقسى جاعىن دا، ءالسىز قىرلارىن دا وڭاي̆ اشىپ كورسەتەدى. كەي̆بىرەۋلەر كەرىسىنشە، جابىق، تۇي̆ىق مىنەزدى، وزىنە جاقىنداتۋعا اسىقپايدى. سىر اشۋعا، دوس بولۋعا شاقىرمايدى.

ۆلاديمير يۆانوۆيچ – قۇپيالىعى، جابىق جاعى باسىم، سىر بەرمەيتىن جىگىت. جاقىنداپ كىلتىن ىزدەپ، سىر تارتىپ باققانىڭمەن، ءبارىبىر ەشتەڭە بىتىرە الماي̆سىڭ. ءۆلاديميردىڭ بۇل مىنەزى ءدۇشپاندارىنا ءتيىمسىز. ونىڭ ءالسىز، وسال جاقتارىن بىلمەك بولعاندار وسى جاعىنىڭ كىلتىن تابا الاي̆ ءجۇر. تابا الماعان ساي̆ىن ونىڭ وسال جاقتارىن تاپقىسى كەلگەندەردىڭ قاتارى ازاي̆ىپ كەلەدى. سەبەبى، قۇپياسىن وڭاي̆ اشتىراتىن، سىرىن تەز بىلەتىندەردەن «س توبوي̆ ۆسە ياسنو» دەپ تەز جەريسىڭ.

قازاقستانداعى دەموكراتيانىڭ ەڭ باستى جەتەلەۋشى كۇشى، قوزعاۋشىسى قازاق اۋديتورياسى، قازاقتىلدى جۇرتشىلىعى دەپ، وسى پروبلەمانى قازاق ەمەستەردىڭ اراسىندا العاشقى كوتەرگەندەردىڭ ءبىرى ۆلاديمير كوزلوۆ ەكەنىن اي̆تقان ءجون.

ءۆلاديميردىڭ مىنەزى مەن جان دۇنيەسىنەن مارقۇم باتىرحان دارىمبەتكە ۇقساستىقتى باي̆قاي̆مىن. باتىرحان ۆلاديميرمەن جاقىن سىرلاس بولاتىن. تۇي̆ىق مىنەزدىلىك، تاستان دا اۋىر سالقىنقاندىلىق، ىشكى باتىلدىق پەن قاي̆راتتىلىق باتىرحاننىڭ جاراتىلىسىنا ءتان. ءدال سونداي̆ قاسيەتتى ءۆلاديميردىڭ جاراتىلىسىنان دا باي̆قاي̆مىز.

سۋرەت: datnews.info سايتىنان الىندى.

ەرمۇرات باپي تۋرالى

ەرمۇراتتى قازاق جۋرناليستەرىنىڭ ىشىندەگى ەڭ ەرجۇرەگى، ەڭ وتكىرى، ەڭ تاپقىرى دەپ ساناي̆مىن. بيلىك ورىندارىنىڭ ەرمۇراتتى سول شەشىمىمەن رەداكتور بولدىرماي̆مىز دەپ، ويلاتىپ تاپقان توپاس تىرلىگىن ول تاپقىرلىقپەن جەڭدى.

«رەداكتور بولماسام بولماي-اق قوياي̆ىن، بىراق كىم ماعان وقىرمان بولمايسىڭ دەپ تىيىم سالا الادى» دەپ باس وقىرمان دەگەن اتاققا يە بولۋى قازاق جۋرناليستيكاسىنىڭ تاريحىنداعى جاڭا قۇبىلىس، جاڭا ۇلگى جانە تاپقىرلىق. وسىنداي̆ بيلىكتى مازاق ەتىپ، شەنەۋنىكتەردىڭ ابدەن ىزاسىن كەلتىرگەن ەرمۇراتتىڭ وسى ۇلگىسى بيلىكتىڭ توپاستىق ارەكەتىن سۋ سەپكەندەي تىيدى. ساياسي تاي̆ىزدىعىن بەتىنە باسىپ، ءبىزدىڭ اي̆ىزىمىزدى قاندىرىپ ءسۇيسىندىردى.

ەرمۇراتقا ءبىر رەت قارنىم اشتى. 2008 جىلى «ناعىز اق جول» پارتياسى «ازاتتىڭ» اتىن العان كەزدە بولاتتىڭ قولشوقپارىنا اي̆نالىپ، قازاق ءۇشىن قاسيەتتى سانالاتىن «ازات» قوزعالىسىنا اي̆تقان: «سۇيەگى قۋراپ قالعان «ازات» قوزعالىسى» دەگەن جالعىز ماعان ەمەس، ازاتتىقتاردىڭ جانە «ازاتقا» تىلەكتەستەردىڭ كوڭىلىنە قاياۋ سالعان ءسوز بولدى.

ءوزىن دەموكراتپىن دەپ ساناي̆تىن كەي̆بىر قازاق جىگىتتەرىنىڭ اندا-ساندا «ازات» قوزعالىسىنا، ۇلتشىل پاتريوتتارعا قاراي تاس لاقتىرىپ قالۋعا  قۇمارلىعىن، ىڭعاي̆ى كەلسە مۇقاتىپ قالۋعا ەپتىلىگىن تۇسىنبەدىم. ءوزىنىڭ بۇل تىرتىلىگىنىڭ دەموكراتياعا ەمەس، بيلىككە جاعىپ تۇرعانىن باي̆قاماي̆تىنى ما؟ الدە، ءوزىم قاتىسپاعان، ءوزىم قۇرماعان ساياسي ۇي̆ىمداردىڭ ءبارىن ماڭىزدى ەمەس دەپ ساناي̆مىز با؟ دەموكرات بولۋ ۇلتىن جاقسى كورۋدەن باستالادى ەمەس پە؟!

بۇل پىكىرىمنىڭ ەرمۇراتقا دەگەن مولتەك وي̆ىما ساي̆ما-ساي̆ كەلىپ قالعانىنا ەرەكەڭ ماعان رەنجىمەسە دەپ وي̆لاي̆مىن.

سۋرەت: wikipedia.org سايتىنان الىندى.

ءاءمىرجان قوسانوۆ تۋرالى

مەن كورگەن، بىلەتىن قازاق ساياساتكەرلەرىنىڭ ىشىندەگى ەڭ تالانتتىسى، ەڭ ۇتقىر كورىنەتىنى وسى ازامات. ءامىرجان ورىسشا سويلەگەندە: «ورىسشا وقىعان، ورىسشا مادەنيەت العان، اۋىلدى كورمەگەن («اسفالتنىي̆ قازاق») ەكەن دەپ قابىلداي̆سىڭ. ورىسشا ءسوزىنىڭ شۇراي̆لىلىعى، جەتىكتىگى سونشا، ءبىر قىلاۋ اكتسەنت، كەمشىلىك تابا المايسىڭ.

ءومىرجاندى العاش رەت قازاق اۋديتورياسىنىڭ الدىندا كورگەن ادام: «اۋىلدا وسكەن جىگىت ەكەنى بىردەن كورىنىپ تۇر. اتتەڭ ورىسشاسى ناشار بولار. سول جاعىنان ومىردە قيىنشىلىق كورىپ جۇرگەن بولار» دەپ توپشىلاعان بولار ەدى.
ءامىرجانىڭ ۇلتتىق ساناداعى تاربيەلىلىگى، ادەپتىلىگى، كىشپەي̆ىلدىلىگى قازاق جاستارىنا ۇلگى بولا الادى. تەرەڭ ءبىلىمدى، اقىن، ءانشى، سەگىز قىرلى ساياساتكەر.
ءسوز بەن ءىس، پيعىل مەن قيمىل جاعى سايكەس كەلسە، ءبىز بىلەتىن قوعام، مەملەكەت قاي̆راتكەرلەرىنىڭ بىردە-ءبىرى امىرجانعا تەڭ كەلە الماس ەدى.

Abai.kz