سولتۇستىك قازاقستان وبلىسىنىڭ ەكونوميكاسىن ترانسفورماتسيالاۋدا ينۆەستيتسيا تارتۋ، ونىڭ ىشىندە شەتەلدىك كاپيتالدى جۇمىلدىرۋ نەگىزگى فاكتورلاردىڭ بىرىنە اينالىپ وتىرعانى تۋرالى ءوڭىر اكىمى عاۋەز نۇرمۇحامبەتوۆ ورتالىق كوممۋنيكاتسيالار قىزمەتىندەگى بريفينگتە مالىمدەدى.

«وڭىردە جالپى قۇنى 894 ميلليارد تەڭگەنى قۇرايتىن 51 ينۆەستيتسيالىق جوبا جۇزەگە اسىرىلۋدا، ناتيجەسىندە 7,8 مىڭنان استام جۇمىس ورنى اشىلادى. جالپى، ءبىرىنشى جارتىجىلدىق قورىتىندىسى بويىنشا تارتىلعان تىكەلەي ينۆەستيتسيالار كولەمى جىلدىق جوسپاردان 2 ەسەدەن استام ارتتى. سوڭعى 2 جىلدا 300 ملرد تەڭگەدەن استام سوماعا 19 مەموراندۋمعا قول قويىلدى»، – دەدى اكىم.

كاپيتال تارتۋدىڭ نەگىزگى ورتالىعى رەتىندە «قىزىلجار» ارنايى ەكونوميكالىق ايماعى قالىپ وتىر. مۇندا قازىردىڭ وزىندە 22 قاتىسۋشى تىركەلگەن. ولاردىڭ قاتارىندا ينۆەستيتسيا كولەمى 90 ملرد تەڭگەدەن اساتىن دسپ جانە لدسپ وندىرەتىن زاۋىت سالىپ جاتقان كاتارلىق «ۋلترادەكور» كومپانياسى، 37,3 ملرد تەڭگەگە كونديتەرلىك ءوندىرىس ىسكە اسىرىپ، جۇزدەگەن جۇمىس ورنىن اشاتىن رەسەيلىك «بەيكەرتون»، تراكتورلار مەن اۋىل شارۋاشىلىعى تەحنيكاسىن شىعارۋ جوباسىن جۇزەگە اسىرىپ جاتقان قىتايلىق «QILU Agro»، سونداي-اق كران جابدىقتارى زاۋىتى – «ۋرالكران» بار.

«وڭىرگە ينۆەستيتسيا تارتۋدىڭ ورتالىعى بولىپ «قىزىلجار» ارنايى ەكونوميكالىق ايماعى قالا بەرەدى. بۇگىنگى تاڭدا 22 قاتىسۋشى تىركەلدى، ينۆەستيتسيالاردىڭ جالپى كولەمى 317 ميلليارد تەڭگەدەن اسادى، شامامەن 4 مىڭ جاڭا تۇراقتى جۇمىس ورنى قۇرىلادى. بۇل – تۇركيا، يتاليا، قىتاي، گەرمانيا، كاتار، رەسەي جانە قازاقستان ينۆەستورلارى قاتىساتىن جوبالار»، – دەپ اتاپ ءوتتى عاۋەز نۇرمۇحامبەتوۆ.

جەرگىلىكتى كاسىپكەرلەر دە شەت قالماي وتىر: وبلىستا ءىرى ساڭىراۋقۇلاق فەرماسى مەن كومپوست زاۋىتى ىسكە قوسىلۋدا، ينۆەستيتسيا كولەمى شامامەن 11,3 ملرد تەڭگەنى قۇرايدى. سونىمەن قاتار «تەحنوەكوپارك» ەكولوگيالىق جوباسى قوقىس سۇرىپتاۋ كەشەنىن جانە قاعازدان باستاپ مەتاللوپلاستيككە دەيىنگى قايتالاما شيكىزاتتى قايتا وڭدەۋدى بىرىكتىرمەك.

Abai.kz