رامي كىتاپحاناسىندا تاۋەلسىزدىكتىڭ 34 جىلدىعىنا وراي ابايدىڭ 180, مىرجاقىپ دۋلاتۇلىنىڭ 140 جىلعىنا وراي ادەبي كەش ۇيىمداستىرىلدى. كەش اياسىندا كورنەكتى جازۋشى دۋلات يسابەكوۆتىڭ "تىرشىلىك" كىتابىنىڭ تۇساۋكەسەرى ءوتتى.

شاراعا قازاقستان رەسپۋبليكاسىنىڭ تۇركياداعى العاشقى باس كونسۋلى ەرجان ءۋايىس، رامي كىتاپحاناسىنىڭ باسشىسى ءالي چەليك، عالىم وراز ساپاشەۆ، اقساقال ارىستان قاجى شادەتۇلى، قوعام قايراتكەرى بەشير جانالتاي، "قازاق ەلى" جۋرنالىنىڭ باس رەداكتورى ەرتولقىن گايرەتۋللاح، دۋلات يسابەكوۆتىڭ ۇلى ەستيار يسابەكوۆ، جانە تۇرىك زيالى قاۋىمى قاتىستى.

4 بولىمگە جوسپارلانعان ءىس-شارا ساعات 13:30-دا رەسمي اشىلۋ سالتاناتىمەن باستالدى.

كەشتىڭ ۇيىمداستىرۋشىسى "KAM-US" باسپا ءۇيىنىڭ باسشىسى ايدەمير گۋلتەكيننىڭ كىرىسپە سوزىنەن سوڭ، ەرجان ءۋايىس اعا كەشتىڭ ماڭىزى تۋرالى ءسوز سويلەپ، تەلەۆيزيا سالاسىندا دۋلات يسابەكوۆپەن ارىپتەس بولعانىن ەسكە الدى.

ودان سوڭ شاڭىراق يەسى رەتىندە رامي كىتاپحاناسىنىڭ باسشىسى ءسوز الىپ، قازاق-تۇرىك ادەبي بايلانىسىنا، ونىڭ ىشىندە د.يسابەكوۆتىڭ تۇرىك تىلىنە اۋدارىلعان پوۆەستەرى مەن پەسالارىنا شولۋ جاسادى.

كەلەسى كەزەكتە دۋلات يسابەكوۆتىڭ ادەبي مەنەدجەرى قوجاباەۆا دينارا قازاقستان جازۋشىلار وداعى باسقارما توراعاسى مەرەكە قۇلكەنوۆتىڭ قۇتتىقتاۋ حاتىن وقىدى.

قۇتتىقتاۋ حات العىس حاتقا ۇلاسىپ، اكج م.اۋەزوۆ اتىنداعى كىتاپحانا جەتەكشىسى ءاليا ىڭكاربەك ۇيىمداستىرۋلارعا الماتى كىتارحانالار جۇيەسى باسشىسى م.ە.بەكتەمباەۆتىڭ ىستىق ىقىلاسىن جەتكىزدى.

شارانىڭ ماڭىزى ءبىر تۇسى تۇرىك جاستارىڭ ابايدىڭ قارا سوزدەرىن وقۋى بولدى.

ەكى كۇن بۇرىن "قارا ءسوز" وقۋ جارىسىنىڭ جەڭىمپازدارىن ماراپاتتاۋ ءراسىمى وتە اسەرلى بولدى.

جازۋشى دۋلات يسابەكوۆتىڭ «تىرشىلىك» كىتابىنىڭ تۇساۋكەسەرىنەن سوڭ،  «قازاق ادەبيەتى: كەشە، بۇگىن جانە ەرتەڭ» تاقىرىبىندا كونفەرەنتسيا ءوتتى.

كونفەرەنتسيا مودەراتورى - ايدەمير گۋلتەكين، سپيكەرلەرى - اشۋر وزدەمير، وراز ساپاشەۆ.

بۇعان دەيىن "كetebe" باسپاسىنان د.يسابەكوۆتىڭ ء"بىز سوعىستى كورگەن جوقپىز" دەگەن اتپەن بىرنەشە پوۆەستەرى جارىق كورگەن بولاتىن.

2 كىتاپتىڭ دا اۋدارماشىسى - اشۋر وزدەمير.

كونفەرەنتسيا بارىسىندا قاتىسۋشىلارعا فولكلوردان بۇگىنگە دەيىنگى قازاق ادەبيەتىنىڭ قىسقاشا تاريحى باياندالدى.

ۇزىلىستەن كەيىنگى II سەسسيادا ەستيار يسابەكوۆ

"جازۋشىنىڭ پورترەتى: مەنىڭ اكەم” تاقىرىبىندا سۇحبات بەردى.

سۇحبات بارىسىندا دۋلات يسابەكوۆ تاۋەلسىزدىك جايلى وي قوزعاعان دەرەكتى فيلمنەن ءۇزىندى كورسەتىلدى.

كەش سوڭىندا «بالۋان شولاق» ءفيلمى كورسەتىلدى.

Abai.kz